Էդուարդ Շարմազանովը՝ իր անվան հետ կապված 3 լկտի ստերի մասին

Operativ.am-ը զրուցեց ՀՀԿ խոսնակ, Աժ փոխխոսնակ Էդուարդ Շարմազանովի հետ հետևյալ նյութի շուրջ:

«Շատ շնորհակալ եմ Operativ.am-ին արձագանքելու և ինձնից մեկնաբանություն խնդրելու համար. և՛ հասարակությունը, և՛ ալավերդցիները ամեն ինչ գիտեն: Նախ չեմ ճանաչում այդ մարդուն. շատ ուրախ եմ, որ ծնողներիս մասին նման կարծիք ունի, սակայն կարող եմ ասել, որ ինքը մի քանի բան է ասել, որ ակնհայտ սուտ է:

Նման դիմում չի եղել, երբ որևէ մեկն ինձ դիմում է գրում, հստակ պատասխան է ստանում:

Երբ ինքը նշում է, որ բարձրագույն չունեցող մարդ է ղեկավարում համալսարանը, դա լկտի սուտ է. համալսարանի ռեկտորը երկար տարիների մանկավարժական կրթություն ունեցող, դոցենտ, մանկավարժական գիտությունների թեկնածու, Մոսկվայի ակադեմիական համալսարանի պատվավոր  պրոֆեսոր  Բորիս Մակիչյանն է:

Հաջորդ լկտի սուտը այն է, որ Ալավերդու պատկերասրահը չի գործում. պատկերասրահը ոչ միայն գործում է, այլ նաև իմ և պատգամավոր Կարեն Սարիբեկյանի աջակցությամբ այնտեղ հաճախակի ցուցադրումներ են կատարվում:

Երրորդը՝ ինչ-որ կինոթատրոնի վաճառքի մասին է խոսում, այդ կինոթատրոնի ոչ վաճառքում, ոչ էլ գնելու գործում ես չէի կարող մասնակցել, քանի որ այդ ժամանակ ես ուսանող եմ եղել»,- նշեց Շարմազանովը: