«Գահերի խաղի» չեղարկված պրիքվելը ամեն դեպքում կթողարկվի
«Գահերի խաղի» ստեղծող և հեղինակ Ջորջ Ռ.Ռ. Մարտինը հայտարարել է, որ չեղարկված «Տաս հազար նավ» սերիալը ամեն դեպքում կթողարկվի: Եվ սա պարզապես գաղափար չէ։
«Մենք բոլորս բավականին ոգևորված ենք դրանով… Չնայած մենք դեռ փորձում ենք պարզել, թե ինչպես ենք վճարելու 10000 նավի, 300 վիշապների և հսկա կրիաների համար», – գրել է Ջորջ Ռ.Ռ. Մարտինն իր բլոգում:
Պիլոտային դրվագն արդեն գրված է։ Սերիալի իրադարձությունները տեղի են ունենում «Գահերի խաղից» հազար տարի առաջ։ Իրադարձությունները պատմում են ռազմիկ-թագուհու՝ արքայադուստր Նայմերիայի և Ռոյնար վերապրածի մասին, երբ նրանք ճանապարհորդում են Էսոսից Դորն՝ Վալիրյաններից և նրանց վիշապներից պարտվելուց հետո: