Ֆրանսիան Չինաստանին մեղադրում է Ռուսաստանին ռազմական օգնություն ցուցաբերելու մեջ

Ֆրանսիայի նախագահ Էմանուել Մակրոնի արտաքին քաղաքականության հարցերով գլխավոր խորհրդական Էմանուել Բոնն ասել է, որ Չինաստանը ռազմական տեխնիկա է մատակարարում Ռուսաստանին, հայտնում է news.am-ը։ Հեռուստաալիքի տվյալներով՝ խոսքը, իբր, նաև երկակի օգտագործման տեխնոլոգիաների և ոչ մահաբեր ռազմական օգնության մասին է։

«Կան ցուցումներ, որ նրանք անում են այնպիսի բաներ, որոնք մենք կնախընտրեինք, որ նրանք չանեին: Դրանք ռազմական տեխնիկա են, քանի որ մենք գիտենք, Չինաստանը Ռուսաստանին հսկայական ռազմական հնարավորություններ է մատակարարում», - հայտարարել է Բոննը՝ ելույթ ունենալով Ասպենի անվտանգության ֆորումում:

Նա հավելել է, որ Չինաստանը չպետք է աջակցի Ռուսաստանին ռազմական և տնտեսական առումով։ Բոնն ընդգծել է, որ Ուկրաինայի հակամարտությունը համաշխարհային նշանակություն ունի և սպառնում է կայունությանը ողջ աշխարհում։

Արևմտյան լրատվամիջոցները բազմիցս կասկածել են Չինաստանին Ռուսաստանին ռազմական աջակցություն ցուցաբերելու մեջ՝ ուկրաինական հակամարտության ֆոնին, ինչը պարբերաբար հերքվում էր ինչպես Մոսկվայում, այնպես էլ Պեկինում։ Ավելին, ՉԺՀ-ի կողմից նման օգնության բացակայությունը ճանաչվել է ԱՄՆ-ում։ Պետքարտուղարությունը նույնիսկ որոշակի վստահություն է հայտնել, որ Չինաստանը չի անցնի Ռուսաստանին ռազմական աջակցության։