Աշխարհի 500 ամենահարուստ մարդիկ անցնող տարում կորցրել են մոտ 1,4 տրլն դոլար. Bloomberg

Աշխարհի ամենահարուստ 500 մարդիկ անցնող տարում կորցրել են մոտ 1,4 տրլն դոլար, տեղեկացրել է Bloomberg-ը։

Գնաճի եւ կենտրոնական բանկերի քաղաքականության ագրեսիվ խստացմամբ պայմանավորված՝ միլիարդատերերի (որոնց կարողությունն անասելի ավելացել էր քովիդի թեթեւ փողերից) խմբի համար տարին նշանավորվել է դրամատիկ անկմամբ. դեպքերի մեծ մասում որքան ավելի մեծ էր աճը, այնքան դրամատիկ էր անկումը. միայն Մասկը, Ջեֆ Բեզոսը, Չանպեն Չժաոն եւ Մարկ Ցուկերբերգը կորցրել են մոտ 392 մլրդ դոլար ընդհանուր սեփական կապիտալից։

Սակայն կան նաեւ լավ նորություններ որոշ միլիարդատերերի համար։ Գաութամ Ադանին Հնդկաստանից գերազանցել է Բիլ Գեյթսին եւ Ուորեն Բաֆեթին հարստության ինդեքսով, այն դեպքում, երբ աշխարհի ամենահարուստ ընտանիքների մի մասը, ինչպիսին են Կոխերը եւ Մարսերի կլանը, նույնպես ավելացրել են իրենց կարողությունը։ Մարզական ֆրանշիզներն ավելի արժեքավոր են դարձել՝ էլ ավելի անհանասանելի դառնալով բոլորի համար, բացի ամենահարուստների 0,0001 տոկոսից։

Մասկը՝ այդ պահին աշխարհի ամենահարուստ մարդը, կորցրել է 25,8 մլրդ ԱՄՆ դոլար հունվարի 27-ին՝ այն բանից հետո, երբ Tesla Inc.-ը զգուշացրել էր մատակարարումների խնդիրների մասին։ Դա մեծությամբ չորրորդ մեկօրյա անկումն էր Bloomberg-ի բարեկեցության ինդեքսի պատմության մեջ, որը Մասկի համար դժվար տարի էր կանխատեսում ինչպես անձնական, այնպես էլ ֆինանսական առումներով։

Ռուսաստանի ամենահարուստ մարդիկ ընդհանուր առմամբ կորցրել են 46,6 մլրդ ԱՄՆ դոլար փետրվարի 24-ին, Ուկրաինա ներխուժման օրը։ Շուտով Եվրամիության, Մեծ Բրիտանիայի եւ ԱՄՆ իշխանությունները ռուս «օլիգարխների» եւ նրանց ընկերությունների դեմ պատժամիջոցներ մտցրին, որոնք բիզնես-մագնատների համար գրեթե անհնար են դարձնում Արեւմուտքում իրենց ակտիվների վերահսկումը։

Չինաստանի շուկաների վիճակն ավելի ու ավելի է վատանում, մարտի 14-ին երկրի ամենահարուստ մարդկանց կարողությունը պակասել է 64,6 մլրդ դոլարով։ Նրանք կորցրել են եւս 164 մլրդ դոլար 2022թ.՝ քովիդի զսպման, անշարժ գույքի կործանվող շուկայի եւ տեխնոլոգիական ճյուղի հանդեպ բարձր ուշադրության լարված ջանքերի պատճառով, իսկ առեւտրային լարվածությունն ԱՄՆ-ի հետ բացասական ազդեցություն է ունենում աշխարհի մեծությամբ երկրորդ տնտեսության վրա։