Պետք է կարգավորել Հայաստանում հեռուստատեսային հեռարձակման կարգը՝ այն միատեսակ դարձնելով․ պատգամավոր

Հայաստանում անհրաժեշտ է կարգավորել հեռուստատեսային հեռարձակման կարգը՝ այն դարձնելով միատեսակ։ Նոյեմբերի 15-ին Ազգային ժողովի նիստում «Աուդիովիզուալ մեդիայի մասին» օրենքում փոփոխություններ եւ լրացումներ կատարելու մասին» օրենքի նախագծի քննարկման ժամանակ այս մասին ասաց օրենսդրական նախաձեռնության հեղինակներից, իշխող «Քաղաքացիական պայմանագիր» կուսակցության պատգամավոր Սիսակ Գաբրիելյանը։

Ինչպես նշեց պատգամավորը, Հայաստանի տարածքում գործող ավելի քան 50 ցանցային օպերատորներ ինքնուրույն որոշում են իրենց կողմից տրամադրվող աուդիովիզուալ հաղորդումների տարածման կարգը։ Նման մոտեցումը, ըստ պատգամավորի, ընկալվում է որպես «օպերատորների ազատ գործունեություն»։

«Այնուամենայնիվ, սա որոշակի անհարմարություններ եւ դժգոհություններ է առաջացնում սպառողների շրջանում, քանի որ հեռարձակվող հաղորդումները հեռուստադիտողներին հասանելի են տարբեր հաջորդականությամբ։

Օրենսդրական նախաձեռնության համար հիմք են հանդիսացել Հեռուստատեսության եւ ռադիոյի հանձնաժողովի կողմից իրականացված մոնիթորինգի արդյունքները, ինչպես նաեւ ստացված դիմումները»,- ասաց Գաբրիելյանը։ Տվյալ օրենսդրական փոփոխությունները, ինչպես նշեց հանձնաժողովի նախագահը, նույնպես բխում են հեռուստաընկերությունների շահերից։ Հատկապես մարքեթինգի եւ PR-ի տեսակետից։

Նրա կարծիքով, դա խթանում է ինչպես տարածաշրջանային, այնպես էլ բավականին հեղինակավոր հեռուստաալիքները։ Քանի որ դրանք բոլորը ներառվելու են ցուցակի առաջին հորիզոնականներում։ Խոսքը առաջին 25 ալիքների մասին է։ Սակայն դրանք հանրային մուլտիպլեքսում չեն լինի։ Միաժամանակ, արդարության պահպանման նպատակով կիրականացվի էլեկտրոնային վիճակագրություն։ Սակայն դա չի վերաբերի հանրային հեռարձակողներին, քանի որ դրանք, այսպես թե այնպես, առաջատար դիրքեր կզբաղեցնեն։