Բերման ենթարկվածներին ձեռնաշղթաներով տեսանկարահանում, տեսանյութերն ուղարկում են Նիկոլ Փաշինյանին, վերջինս էլ դրանք նայում է ու հոգին փառավորվում. Ռոբերտ Հայրապետյան

Ոստիկանության գործողությունները վերջին օրերին կտրուկ սրվել են, քանի որ սրվել է նաև նրանց կոնկրետ հրահանգ տվող անձի հոգեկան վիճակը: «Փաստինֆո»-ի հետ զրույցում ասաց փաստաբան Ռոբերտ Հայրապետյանը՝ անդրադառնալով ընդդիմության անհնազանդության ակցիաների ժամանակ ոստիկանության կողմից կիրառվող բիրտ գործողություններին:

Նկատենք, որ վերջին երկու օրերին առավել ակտիվություն են ցուցաբերում սեւ բերետավորները, որոնք կարծես պատժիչ ջոկատի դեր կատարեն։

Փաստաբանի համոզմամբ՝ ոստիկանները բիրտ ուժ են կիրառում Նիկոլ Փաշինյանին հաճոյանալու համար: Նրա փոխանցմամբ՝ բերման ենթարկվածներին հաճախ տեսանկարահանում են,երբեմն նաև նաև ձեռնաշղթաներ են հագցնում և, ենթադրաբար, այդ տեսանյութերն ուղարկում են Նիկոլ Փաշինյանին.

«Վերջինս էլ այդ տեսանյութերը նայում է, հոգին փառավորվում է, բայց այդ հրահանգը կատարող ոստիկանները պետք է հասկանան, որ հոգին փառավորվելու արդյունքում՝ նրանք ենթարկվելու են քրեական պատասխանատվության, քանի որ նրանց գործողությունները ակնհայտ ոչ իրավաչափ են»,-ասաց Հայրապետյանը:

Նշենք, որ ոստիկանությունը բիրտ ուժ է կիրառում և բերման է ենթարկում ոչ միայն ցուցարարներին, հաճախ նաև ընդդիմադիր պատգամավորներին և անչափահասներին:

Մեզ հետ զրույցում փաստաբանը ընդգծեց՝ պատգամավորներին բերման ենթարկելու որևէ իրավասություն ոստիկանությունը չունի, դա պատգամավորի անձեռնմխելիության խախտում է, որը քրեական պատասխանատվություն է ենթադրում, նույնը նաև անչափահասների մասով.

«Ուրախալի է փաստը, որ կարմիր բերետավորների կողմից բերման ենթարկված անչափահասների նկատմամբ ոստիկանական բաժանմունքներում վարչարարություն չի իրականացվում, որովհետև կան բաժանմունքներ, որոնց պետերը հասկանում են, որ այդ անչափահասները վարչական իրավախախտումների սուբյեկտ չեն, այդ պատճառով արագ ազատ են արձակում նրանց, որ «չեպե» չմնա ոստիկանության վրա»,-ասաց Հայրապետյանը:

Մանրամասները՝ տեսանյութում