Վայրի կենդանիները մարդկանցից ավելի քան 100 հիվանդություններ են ստացել

Ջորջթաունի համալսարանի գիտնականների գլխավորած հետազոտողների միջազգային խումբը պարզել է, որ մարդիկ կենդանիներին ավելի հաճախ են վիրուսներ փոխանցում, քան նախկինում ենթադրվում էր։ Հետազոտությունը հրապարակվել է Ecology Letters-ում:

«Մարդուց վայրի կենդանիներին հարուցիչների փոխանցման ռիսկի գնահատումը՝ բնության պահպանման եւ հանրային առողջապահության համար» հետազոտությունը ներառում է մարդուց վայրի կենդանիներին հիվանդությունների փոխանցման մոտ հարյուր տարբեր դեպքերի նկարագրություն: Օրինակ՝ SARS-CoV-2-ի տարածման դեպքը ջրաքիսի ֆերմաներում, կենդանաբանական այգիների առյուծների եւ վագրերի եւ վայրի սպիտակապոչ եղջերուների շրջանում։

Հետազոտությունը ցույց է տվել, որ այս դեպքերի գրեթե կեսը տեղի է ունեցել անազատության մեջ ապրող կենդանիների հետ: Այս պայմաններում կենդանիները մշտապես շփվում են մարդկանց հետ եւ գտնվում են անասնաբույժների հսկողության տակ։ Նշվում է, որ փոխանցման նման դեպքերի կեսից ավելին գրանցվել է մարդ-կաթնասուն շղթայում։ Դա պայմանավորված է նրանով, որ վիրուսներն ավելի հեշտ են անցնում ցեղակից կրողներին։

Նշված երեւույթը գիտնականների ուշադրությունը գրավել է ԱՄՆ-ի եւ Կանադայի սպիտակապոչ եղջերուների ներկայացուցիչների շրջանում կորոնավիրուսային վարակի բռնկման հայտնաբերումից հետո։ Հյուսիսային եղջերուները վիրուսը փոխանցել են մարդկանց առնվազն մեկ անգամ, եւ շատ գիտնականներ մեծ մտահոգություն են հայտնել, որ կենդանիների նոր ջրամբարները կարող են վիրուսին լրացուցիչ հնարավորություն տալ նոր տարբերակների զարգացման համար: