«Լիդիանը» վաճառում է իր բաժնետոմսերը․ ինչ նոր զարգացումներ են Ամուլսարի շուրջ

1in.am-ը գրում է.

Վերջերս փոխվարչապետ Ս․Պապիկյանը հայտարարություն արեց, որտեղ մասնավորապես ասվում է․«Բարդ է ասել՝ երբ կբացվի Ամուլսարը, բայց ես հակված եմ, որ այն աշխատի։ Երբ նշվում է, որ ես հակված եմ, որ Հայաստանում աշխատի որևէ հանք, բացվեն աշխատատեղեր, բյուջեում լինեն հավելյալ գումարներ, որոնք կփակեն նշված ծակուծուկերը, բնականաբար, ես դա ասում եմ բնապահպանական նորմերին համապատասխանության պարագայում»։ Մինչդեռ հիշեցենք,որ մինչև ասօր վճռված չէ ամենաաղմկահարույց Ամուլսարի ոսկեբեր քվարցիտների հանքավայրի շահագործման ծրագրի շահառու «Լիդիան Արմենիա» ՓԲԸ-ի (նախկինում «Գեոթիմ» ՓԲԸ) հետ վիճահարույց խնդիրները։ Ինչպես գիտենք, ոսկու հանքավայրի շահագործմանը դեմ քաղաքացիները շարունակում են ՀՀ կառավարությունից խստորեն պահանջել արգելել «Լիդիան Արմենիա» ընկերությանը իրագործել ծրագիրը, փաստացի Ամուլսարի ծրագրի ենթակառուցվածքների շինարարությունը դադարեցված է, Ամուլսար տանող բոլոր ճանապարհները փակ են տեղի բնակիչների և բնապահպանների կողմից։ Մյուս կողմից՝ իր հերթին «Լիդիան»-ը հայտարարել է, որ շարունակելու է աշխատել երեք հնարավոր լուծումների ուղղությամբ՝ վաճառք, ծրագրի վերաֆինանսավորում, և/կամ արբիտրաժային գործընթաց,որոնք արդեն ունեն ընթացիկ զարգացումներ։

Բացի նշվածից՝հայտնի է՝ ՀՀ քննչական կոմիտեի ՀԿԳ քննության գլխավոր վարչության վարույթում է գտնվում Ամուլսարի հանքավայրի շահագործման մասին՝ շրջակա միջավայրի աղտոտման մասին տեղեկությունները պաշտոնատար անձանց կողմից դիտավորությամբ թաքցնելու դեպքի առթիվ քրեական գործը,որի հիման վրա նշանակված ELARD ընկերության արած փորձաքննության արդյունքում Ամուլսարի ծրագրի շրջակա միջավայրի վրա ազդեցության գնահատման հաշվետվության վերաբերյալ մի շարք ռիսկեր է նշել իր եզրակացության մեջ: Այդ եզրակացության հրապարակումից հետո առաջ է եկել Ամուլսարի ծրագրին տրված բնապահպանական փորձաքննական եզրակացությունը ուժը կորցրած ճանաչելու հարցը, որն առկախված է ներկայումս։ ՀՀ գիտությունների ազգային ակադեմիայի և ELARD և TRC կազմակերպությունների ներկայացրած վերընշված փաստաթղթում 13 կետով ներկայացվել է Ամուլսարի ծրագրում առկա բացթողումներն ու թերությունները,որոնց հետ կապված իրավական,տեսչական հարցերին մինչ օրս որևէ լուծումներ,ստուգումներ չի տրվել։

Մեզ հետ զրույցում բնապահպան Ինգա Զարաֆյանը փոխվարչապետի հայտարարության,դրա հիմնավորված լինել-չլինելու հետ կապված՝ ասաց,որ փոխվարչապետի կարծիքը սոսկ անձնական ցանկություն, կողմնորոշում է համարում, որը զուրկ է ապացուցողական հիմնավորումից, առանց ձեռքի տակ եղած փաստարկված եզրակացությունները և ընդհանրապես բնապահպանական ռիսկերը հաշվի առնելու,որոնք փաստաթղթավորված դրված են վարչապետի սեղանի վրա։ Պապիկյանը հաշվի չի առել այնտեղ նշված բնապահպանական լուրջ խնդիրները, ինչպես՝ հանքավայրի շահագործման հետևանքով Ջերմուկի առողջարանային իմիջի և տուրիզմի զարգացման վնասումը․ Ջերմուկը միջազգային առողջարան է: Նրա ջրավազանում ձևավորվում են բուժիչ ջրերը,ինչի հիման վրա՝ հիդրոլոգիական արգելավայրի կարգավիճակ ունի և մտնում է Հայաստանի հատուկ պահպանվող տարածքների ցանցի մեջ,և կասկածի տակ կդրվեն ներդրումները, որոնք նպաստում են տուրիզմի, առողջարանային-բուժական հաստատությունների ցանցի զարգացման նպատակով: Բացի այդ՝ Ամուլսարի մոտ երկու ջրամբար կա՝ Կեչուտինը և Ամուլսարից 2 կմ հեռավորության վրա գտնվող Սպանդարյանի ջրամբարը, ուստի հնարավոր է՝ շրջակա միջավայրի, բոլոր համայնքների ջրային պաշարների լուրջ աղտոտում՝ իր բացասական հետևանքներով, մասնավորապես կառաջանա կապար, որը ազդում է նյարդային ու արյունատար համակարգերի վրա, պատճառ կդառնա մահացության աճի, ինչպես նաև՝ թերզարգացում կարող է առաջացնել, ինչպես նաև փաստաթղթերում նշված չէ արտանետվող թունավոր նյութերի մասով որևէ կոնկրետ քայլեր մշակված չեն նախնական ծրագրերի մեջ ու հաշվի չի առնվել, որ Ջերմուկը շատ նուրբ 6-7 հանքավայրերի միացություն է։ Հետևաբար պաշտոնյա մարդը,որ կարծիք է հայտնում, պետք է անպայման հիմնավորում տա։

Առավել մանրամասն՝ սկզբնաղբյուրում: