Եթե ԱԺ պատգամավորի համար նորմալ է, որ ինքը նստած է թուրքի գործակալի ենթակայության ներքո, ինքը առնվազն տղամարդկային արժանապատվության և մարդկային ինքնասիրության պակաս ունի. Միհրան Հակոբյան

Փաստ է, որ ԱԺ նախագահ Արարատ Միրզոյանը «Օմեգա» ծածկանվան տակ գործող գործակալ է եղել, եթե ԱԺ պատգամավորը, անկախ նրանից, թե որ ֆրակցիայի պատգամավոր է, իր համար նորմալ է, որ ինքը նստած է թուրքի գործակալի ենթակայության ներքո, ինքն առնվազն տղամարդկային արժանապատվության և մարդկային ինքնասիրության պակաս ունի. այսօր լրագրողների հետ հանդիպման ժամանակ նշեց հասարակական-քաղաքական գործիչ Միհրան Հակոբյանը:

«Եթե ընդդիմադիրներն այդ խաղի կանոններով շարունակում են խաղալ, երբ բացահայտվել է, որ Արարատ Միրզոյանը գործակալ է, մի թուրքի գործակալ էլ իրենք են, եթե դա իրենց համար նորմալ է, եթե որևէ մեկը մի գործընթաց չի ուզում սկսել: ԱԺ ոչ մի պատգամավոր ոչ մի գործընթաց չի ուզում սկսել, բա ի՞նչ ենթադրի այս ժողովուրդը, մտածում են, որ մի գործակալ էլ դուք եք, բոլորդ նստած, հարկերը հավաքում են, ձեզ աշխատավարձ են տալիս, բարձր պարգևավճար են տալիս, լռում եք»,- նշեց նա:

Խոսելով Մակունցի՝ ԱՄՆ-ում Հայաստանի դեսպան նշանակվելու վերաբերյալ տեղեկությունների մասին՝ Միհրան Հակոբյանն ասաց, որ մեզ չպետք է հետաքրքրի, թե Ամերիկայի դեսպան ով է նշանակվելու, քանի որ Նիկոլ Փաշինյանի իշխանությունն արդեն վերջացած է.

«Մենք պետք է մտածենք՝ ուզու՞մ ենք պետություն ունենալ, եկեք մտածենք՝ ոնց ենք ստեղծում պետություն, և այնտեղ Նիկոլ Փաշինյանի «բանդան» տեղ չունի: Եթե Նիկոլ Փաշինյանի նման մեկը կարող է լինել վարչապետ, Մակունցն էլ կարող է լինել ԱՄՆ դեսպան, ինչի՞ վրա եք զարմանում»:

Հակոբյանի խոսքով՝ բոլոր այն դեսպանները, որոնք կապիտուլյացիայի ստորագրումից հետո հրաժարական չեն տվել, իրենք ակադեմիական համակարգում տեղ ունենալ չեն կարող և չեն կարող ասել՝ որ երկիրն են ներկայացրել, դա տոտալ անգրագիտություն է:

«1961 թվականի դիվանագիտական հարաբերությունների մասին Վիեննայի կոնվենցիայից հետո դեսպանը քաղաքական պաշտոն է: Նա երկիր չի ներկայացնում, նա քաղաքական ռեժիմ է ներկայացնում, ԱՄՆ-ում Հայաստանի դեսպանը Նիկոլ Փաշինյանի անձնական ներկայացուցիչն է, վարչապետի և որևիցե մեկի մտքով թող չանցնի ասել, թե մենք պետություն ենք ներկայացրել, նրանց ականջներից բռնած գցելու ենք փողոց»: