Ամբողջ Հայաստանում մի միտք կա՝ բա ո՞վ գա երկրի ղեկավար. մենք կգանք, ի՞նչ է եղել. Իսկ Նիկոլը պետք է գնա. Գորիսի բնակիչ
Եթե ես հանկարծ էսօր Նիկոլին չտեսա, Մոնթե Մելքոնյանի գերեզմանի մոտ իրան ասում եմ՝ թող գա, ես գերեզմանում էլ լինեմ, ինքը իրավունք չունի մտնի այնտեղ: Այս մասին Սյունիքի մարզի Շինուհայրի խաչմերուկում հավաքված Գորիսի բնակիչներից մեկը:
Հիշեցնենք, որ վաղ առավոտյան, Սյունիքի բազմաթիվ բնակիչներ հավաքվել են Շինուհայրի խաչմերուկում, որոնք ցանկանում են առաջանալ, փակել Սյունիքի դարպասներն ու արգելել վարչապետ Նիկոլ Փաշինյանի մուտքը մարզի տարածք: Ոստիկանները փակել են ճանապարհը:
«Թող իմ հարցերին պտասխանի, թե ինչու այդ 15 կետերում կետ չկա, որ բանակը զարգանալու է, և եթե բանակը չի զարգանալու, ինքը թող հեռանա: Պատերազմը պարտված ցանկացած ղեկավար պետք է հեռանա՝ անկախ նրանից ինքը լավ մտադրություններ ուներ, թե վատ, ինքը դավաճան էր, թե հերոս էր:
Ինքը պետք է հեռանա ու վերջ, պետք է թողնի նոր մարդիկ մեզ ղեկավարեն, ոչ էլ նախկիններն են մեզ պետք, մեզ պետք է մեկը, ով գալու է ու էս երկիրը հզոր երկիր սարքի: Մենք գնում ենք ասենք ՝ Նիկոլ ստեղ իրավունք չունես մտնես: Ամբողջ Հայաստանում մի միտք կա՝ բա ո՞վ գա երկրի ղեկավար: Մենք կգանք, ի՞նչ է եղել: Կարևորը սիրես էս երկիրը»,- ասաց նա:
Գորիսեցիները նշեցին, որ իրենք չեն փակել ճանպարհը, ոստիկաններն են փակել և եթե բացեն՝ իրենք չեն փակելու:
Մեկ ուրիշ գորիսեցի էլ նկատեց, որ իշխանությունների այս անգործությունը նորից տանելու է նրան, որ պատերազմ սկսվի: Նա դիմելով ոստիկաններին՝ ասաց. «Մենք մեր հույսը Երևանի վրա չենք էլ դնում: Մենք որոշել էինք Սյունիքի դարպասները փակել, որովհետև եթե մեր հարցը չի լուծվում, մենք մեր հարցը կլուծենք: Մենք մեր հարցը լուծում ենք, որ թուրքը չհասնի Երևան: Դուք բոլորդ պետք է միանաք մեզ, էս հարցը լուծենք, պրծնենք»: