Բելգիայի վարչապետը մեկնաբանել է բժիշկներից ստացած «խայտառակության միջանցքը»
Բելգիայի վարչապետ Սոֆի Ուիլմեսը մեկնաբանել է բողոքի ակցիան, որն իրականացրել են Սեն Պիեռ հիվանդանոցի աշխատակիցները՝ նրան թիկունքով շրջվելով, հայտնում է RTL հեռուստաալիքը:
Ուիլմեսը նշել է, որ զրուցել է բժիշկների հետ եւ նրանց երկխոսության կոչ արել: Նրա խոսքով՝ կարեւոր է կարողանալ «լսել եւ բացատրել, երբ ինչ-որ բան այնպես չի ընթանում»:
Վարչապետը հավելել է, որ բժիշկները հայտնվել է դժվար վիճակում մինչեւ ճգնաժամը, սակայն իրավիճակը վատթարացել է կորոնավիրուսի համավարակը սկսվելուց հետո:
Ավելի վաղ հաղորդվել էր, որ բժիշկները ստեղծել են Սոֆի Ուիլմեսի «խայտառակության միջանցքը»: Բողոքի ակցիային մասնակցել են ավելի քան 100 բժիշկներ ու բուժքույրեր: Բուժանձնակազմը կանգնել է ճանապարհի երկու կողմում, եւ երբ Ուիլմեսի ավտոշարասյունն անցել է նրանց կողքից, հերթով շրջվել են նրա ավտոմեքենաներից: Բժիշկներն այսկերպ են ցանկացել արտահայտել իրենց դժգոհությունը կորոնավիրուսի համավարակի ժամանակ վերջին 2 ամսում բարձրացված աշխատավարձերի եւ հավելավճարների բացակայությունից: