Իշխանությունները մեղմ ասած՝ թքած ունեն ժողովրդի կարծիքի վրա, ուզում ես ամբողջ ազգությամբ ոտքի կանգնի, եթե մի բան որոշել են, ուրեմն կանեն. Լուսինե Բադալյան

Վերջին շրջանում մեծ աղմուկ բարձրացրած կուտակային կենսաթոշակների պարտադիր բաղադրիչի մասին օրենքը հասարակության կողմից մեծ ոգևորությամբ չնդունվեց ,ավելին,նոր քաղաքացիական պայքարի ալիք հանդիսացավ: Ստեղծվեց «Դեմ եմ» նախաձեռնությունը ,որին միացան մի շարք հայտնիներ ,ովքեր պայքարում են 2014թ. հունվարի 1-ից ուժի մեջ մտած կուտակային կենսաթոշակների օրենքի պարտադիր բաղադրիչի դեմ:Բազմիցս հասարակությունը համոզվել է այն փաստում,որ հեռուստառադիո հաղորդավարուհի Լուսինե Բադալյանը քաղաքացիական լուրջ ակտիվություն է ցուցաբերում:Այս անգամ ևս հաղորդավարոււհին առաջիննն էր,ով միացավ «Դեմ եմ»-ին: Այս թեմայի շուրջ Operativ.am-ի թղթակիցը զրուցեց հաղորդավարուհու հետ: 

-Ի՞նչ եք կարծում, հայտնի մարդկանց այս կամ այն քաղաքացիական պայքարին միանալը ինչ չափով կարող է արդյունքի հանգեցնել:

-«Դեմ եմ» ակցիային հենց ամենասկզբից եմ միացել ու ես կարծում եմ ,որ հայտնի մարդկանց միանալը կօգնի զուտ այն իմաստով,որ քաղաքացիները շատ չեն ուսումնասիրում ,խորանում: ՈՒ կարծում եմ ,որ հայտնի մարդիկ են միանում մտածելու տեղիք են տալիս.իսկ ինչու՞ են էս մարդիկ միացել,գուցե իսկապես ինչ-որ բան այնքան էլ ճիշտ չի գնում:Գոնե իրազեկելու համար,գոնե մարդիկ մտածեն ու ինքնուրույն այդ որոշումը կայացնեն:Քանզի այն մարդիկ, ովքեր օրենքը հորինել են և գործածության մեջ մցրել բնականաբար շատ ավելի պատրաստված են ու իրենց բոլոր մեթոդները կիրառում են համոզելու, ապացուցելու համար, որ օրենքը բավականին լավն է:

-Արդյո՞ք նման ակտիվություն դրսևորելը ձեր աշխատանքի վրա ինչ որ ազդեցություն չի ունենում:

Անկեղծ ասեմ մինչև հիմա չի ունեցել, իզուր ինձ զոհի տեղ չդնեմ որ ասեմ, ինչ որ առումներով, ինչ որ լծակների օգնությամբ փորձում են ճնշել ՝չէ, չեն փորձել:Կոնկրետ այս օրենքի դեպքում որ հեռուստաընկերությունում ես աշխատում եմ ,պարզվեց‚ որ իրենք էլ ունեն հստակ դիրորոշում, իրենք էլ են դեմ, բայց եթե նույնիսկ մեր շահերը չեն համընկնուն իրենք ճնշում չեն գործադրում:

-Հարցազրույցներից մեկում նշել էիք,որ այսօր կան ավելի լուրջ խնդիրներ,որոնց պետք է անդրադառնան իշխանությունները, քան կենսաթոշակային օրենքը,որ դրվեց շրջանառության մեջ:Որոնք են այդ ,ավելի կարևոր խնդիրները:

Ընդհանրապես այսօր այն ամենը ինչը կատարվում է շատ ավելի լուրջ է,օրինակ շատ ավելի լուրջ է կոմունալ վճարների թիվը, որոնք մենք վճարում ենք: Այսինքն, ընդհանրապես տարվող տնտեսական քաղաքականությունը այնքան սխալ է,որ ունենում է շատ ու շատ հետևանքներ,երբ մարդ մտածում է ինչպես փակի կոմունալ ծախսերը,ինչպես պարտքի տակ չընկնի, այդ մարդը ի վիճակի չէ առաջընթացի մասին մտածելու: Այսինքն տնտեսական քաղաքականությունը բարոյահոգեբանական շատ մեծ ճնշում է գործադրում ժողովրդի վրա,այդ ողջ կոնտեկստում կենսաթոշակայինը ընդամենը մի փոքր մասն է կազմում: Ընդհանուր տնտեսական քաղաքականությունը,ավելի վատ լինել ուղղակի չի կարող: Լուրջ խնդիր է:

-Այժմ ի՞նչ քայլեր եք նախատեսում անել,արդյունքի հասնելու համար:

Գիտեք ճիշտն ասած չգիտեմ էլ ինչ կարելի է անել: Երևի կազմակերպությունը ,որը սկսել է և շատ լուրջ ուսումնասիրել է ,շատ լուրջ քայլեր է անում և մենք էլ սատարում ենք նրանց,որովհետև մեր գաղափարները համապատասխանում են իրար,երևի իրենք կորոշեն ինչ անել,ես ուղակի խորին համոզմունք ունեմ,որ իշխանությունները մեղմ ասած՝ թքած ունեն ժողովրդի կարծիքի վրա, ուզում ես ամբողջ ազգությամբ ոտքի կանգնի, եթե նրանք մի բան որոշել են միևնույնն է կանեն:Ասածիս ապացույցն է 150 դրամի դեմ տարվող պայքարը,երբ ասացի այս ճնշման շնորհիվ նրանք չեն բարձրացնի,բայց մի քանի ամիս հետո կրկնակի կբարցրացնեն,ինչպես տեսնում եք սարերի հետևում չի՝մարտից թանկանալու է տրանսպորտը:Նույն բանն էլ այս դեպքում է լինելու, գուցե նրանք դեմոկրատիա խաղալով, տեսնեն ժողովուրդը ոտքի է կանգնել՝ հետաձգեն:Բայց իրենց որոշումներից այդ իշխանությունը երբեք ետ չի կանգնում,անկախ նրանից թե ժողովրդի վրա դա ինչ կարժենա:

-Ի՞նչ եք կարծում իշխանության փոփոխությունը ,երկրում որոշակկիորեն ինչ որ փոփոխությունների կարող է հանգեցնել:

Իշխանությունը իհարկե ունի փոփոխության կարիք:Դա արդեն միանշանակ է: Բայց չեմ պատկերացնում ,ուղղակի հրաշք պետք է տեղի ունենա,կամ նրանք սկսեն արդեն կշտանալ այն գումարներից, որ կերել են ժողովրդից,մի քիչ էլ սկսեն ժողովրդի մասին մտածել ՝ինչը հրաշք պետք է լինի ,այդպիսի բաներ ռեալիստական կյանքում չեն լինում:

Եվ վերջում մի կոչ եմ ուզում անել, չեմ հորդորում ինչ-որ մեկին ինչ –որ կուսակցության ,քաղաքական ուժի միանալ,բայց անտարբերությունը ավելի մեծ չարիք է ծնում ,քան հենց իսկապես սխալ գործողությունը:Գոնե մի քիչ ավելի ակտիվ լինի այս ժողովուրդը,ավելի իրազեկ լինի և փորձի պայքարել իր իրավունքների համար:Չվախենան ոչ մի բանից:

Զրուցեց` Վիկա Խաչատրյանը