Գործարանային մետրոյի մոտակայքում ավտոմեքենա է այրվել. մանրամասներ
Ապրիլի 2-ին՝ ժամը 13։58-ին, Ճգնաժամային կառավարման ազգային կենտրոն ահազանգ է ստացվել, որ Երևանի Թամանցիների փողոցում՝ Գործարանային մետրոյի մոտակայքում, այրվում է ավտոմեքենա։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Հրդեհը մեկուսացվել է ժամը 14։05-ին, մարվել՝ 14։08-ին։ Մասամբ այրվել է «VAZ» մակնիշի ավտոմեքենայի (վարորդ՝ Ա․ Ղ․) շարժիչի հատվածը և ցուցիչների վահանակը։ Տուժածներ չկան: