Հայտնաբերվել է ուղեղի աշխատանքը բարելավելու միջոց
Գիտնականները մանրաթելերի ամենօրյա ընդունման միջոցով ուղեղի աշխատանքը բարելավելու միջոց են հայտնաբերել: Ալցհեյմերի հիվանդության կանխարգելման մեթոդի մասին ավելի շատ տեղեկատվություն նկարագրված է Nature Communication ամսագրում հրապարակված հոդվածում, փոխանցում է Shantnews-ը։
Հետազոտությանը մասնակցել են 60 տարեկանից բարձր 36 զույգ երկվորյակներ, ովքեր 12 շաբաթվա ընթացքում ստացել են կա՛մ պլացեբո, կա՛մ մանրաթելերով հարուստ սննդային հավելումներ: Միաժամանակ բոլոր կամավորները կատարել են ֆիզիկական վարժություններ և ընդունել սպիտակուցային հավելումներ՝ մկանների աշխատանքը բարելավելու համար։
Պարզվել է, որ մանրաթելային հավելումը հանգեցրել է մասնակիցների աղիքների միկրոբիոմի բաղադրության զգալի փոփոխությունների, մասնավորապես՝ բիֆիդոբակտերիաների նման օգտակար բակտերիաների քանակի ավելացման։
Թեև խմբերի միջև մկանային ուժի մեջ զգալի տարբերություն չի եղել, մանրաթելային հավելում ստացող խումբն ավելի լավ է կատարել ուղեղի ճանաչողական գործառույթը գնահատող թեստերը, ինչպես նաև արձագանքման ժամանակի և տեղեկատվության մշակման թեստերը: