Չինաստանը հետ կվերցնի 12 տարի առաջ Բրիտանիային տված երկու պանդաներին
![](/timthumb.php?src=disc/02-12-23/81f6957c6ee7f1c15c2a84943d41d77b.jpg&w=450)
Չինաստանի արտգործնախարարության խոսնակ Վան Վենբինը ճեպազրույցի ժամանակ ասել է, որ Չինաստանը հետ կվերցնի 2011 թվականին Մեծ Բրիտանիայից բրիտանական կողմին փոխանցված երկու հսկա պանդաներին։ Shantnews-ի փոխանցմամբ՝ այս մասին հայտնում է RIA Novosti-ն։
Վան Վենբինի խոսքով, դա համապատասխանում է երկու երկրների միջեւ կնքված համագործակցության համաձայնագրին։
«Հսկայական պանդա Յանգ Գուանգը և Թյան Տյանը կվերադառնան Չինաստան պայմանագրի ժամկետի ավարտից հետո՝ դեկտեմբերին: Չինաստանը պատրաստ է շարունակել ամրապնդել համագործակցությունը միջազգային գործընկերների հետ, այդ թվում՝ Մեծ Բրիտանիայի, վտանգված տեսակների և կենսաբազմազանության պահպանման ոլորտում»- կիսվել է Չինաստանի ԱԳՆ պաշտոնական ներկայացուցիչը։
Նա հավելել է, որ Չինաստանը պատրաստ է ողջունել կենդանիներին և անհամբեր սպասում է նրանց։
Չինաստանը պանդաներ է նվիրաբերում աշխարհի կենդանաբանական այգիներին՝ Պեկինի դիվանագիտական ռազմավարության շրջանակներում: Գործում են մի շարք պայմաններ՝ պանդաները, ինչպես իրենց ձագերը, մնում են Չինաստանի սեփականությունը։