Եգիպտոսում ջրի տակ հայտնաբերել են Աֆրոդիտեի հնագույն սրբավայրն ու Ամոնի տաճարը

Եգիպտոսում Ալեքսանդրիայի ափերի մոտ ստորջրյա հնագիտական արշավախումբը հայտնաբերել է Ամոն աստծուն նվիրված հին եգիպտական տաճարի մնացորդներ, ինչպես նաեւ հունական Աֆրոդիտե աստվածուհուն նվիրված սրբավայր, որը թվագրվում է մ.թ. ա. 500 թ․, գրում է Egyptian Streets-ը:

Պեղումները, Եգիպտոսի զբոսաշրջության եւ հնությունների նախարարության հաղորդագրության համաձայն, իրականացվել են ողողված հնագույն Տոնիս-Հերակլեոն քաղաքում, որը գտնվում է Եգիպտոսի հյուսիսային ափից մոտ յոթ կիլոմետր հեռավորության վրա:

Գտածոյի մասին առաջին անգամ հայտարարել է ստորջրյա հնագիտության եվրոպական ինստիտուտը (IEASM), որը ղեկավարում էր եգիպտա-ֆրանսիական առաքելությունը։

Ամոնի տաճարի մնացորդները բաղկացած են զանգվածային քարե բլոկերից, որոնք, ինչպես ենթադրվում է, փլուզվել են մ.թ. ա. մոտ 200 թ․։

Ամոնի տաճարից արեւելք գտնվող Աֆրոդիտեի սրբավայրի պեղումները վկայում են այն մասին, որ հին հույները մշտապես գտնվել են խորտակված քաղաքում:

Աղբյուրը