Հնդկաստանը հաստատել է «կանաչ ջրածնի» արտադրությանը 2,11 մլրդ դոլարով աջակցելու պլանը

Հնդկաստանը հաստատել է 174,9 մլրդ ռուփիի (2,11 մլրդ դոլար) չափով «կանաչ ջրածնի» զարգացմանը խթանելու պլանը՝ արտանետումները կրճատելու եւ ոլորտում խոշոր արտահանող դառնալու նպատակով, չորեքշաբթի տեղեկացրել է երկրի տեղեկատվության նախարար Անուրագ Թհակուրը, հաղորդել է Reuters-ը։

Քայլն ուղղված է այն բանին, որպեսզի օգնի Հնդկաստանին հասնելու ածխածնի զրոյական արտանետումների մինչեւ 2070թ.։

Նպատակը «կանաչ ջրածինը հասանելի դարձնելն է գալիք հինգ տարում եւ դրա արժեքի իջեցումը, լրագրողներին ասել է նախարարը։ Անցած ամիս գործակալությունը տեղեկացրել էր կանաչ ջրածնի արտադրության խթանման ծրագրի ստեղծման մասին։

Կառավարությունը սպասում է 8 տրլն ռուփիի (96,65 մլրդ դոլար) ներդրում «կանաչ ջրածնի» ոլորտում, տեղեկացրել է Թհակուրը։

Հնդկաստանը մտադիր է արտադրել տարեկան 5 մլն տոննա կանաչ ջրածին հաջորդ հինգ տարիներին, կրճատել մոտ 50 մլն տոննա արտանետում եւ խնայել մեկ տրլն ռուփի հանածո վառելիքի ներմուծումից, ավելացրել է Թհակուրը։

Միացյալ Նահանգները եւ Եվրամիությունն արդեն հաստատել են միլիարդավոր դոլարների տրամադրումը «կանաչ ջրածնի» արտադրության նախագծերին։

Ջրածինը, որն ստացվում է ջրի տրոհման միջոցով էլեկտրական պրոցեսի օգնությամբ, որ կոչվում է էլեկտրալիզ, կարող է օգտագործվել որպես վառելիք։ Եթե էլեկտրալիզերներն (այն կատարող սարքերը) աշխատում են վերականգնվող էներգիայով, ապա արտադրանքը կոչվում է «կանաչ ջրածին»։

Ներկայում «կանաչ ջրածնի» արտադրության ինքնարժեքը Հնդկաստանում կազմում է մեկ կիլոգրամը 300-400 ռուփի։

Հնդկական ընկերությունները, ինչպիսին են Reliance Industries-ը, Indian Oil-ը, NTPC-ն, Adani Enterprises-ը, JSW Energy-ն, ReNew Power-ը եւ Acme Solar-ը, ունեն «կանաչ ջրածին» արտադրելու մեծ պլաններ։