Chevrolet Corvette հազվագյուտ ավտոմեքենան կվաճառվի աճուրդում

Սքոթսդեյլի Barrett-Jackson's աճուրդում կներկայացվի Hot Rod Service Company-ի արհեստանոցի 1959 թվականի Chevrolet Corvette-ը: Մեքենան հագեցած է LS7 շարժիչով, Chevrolet ավտոմատ փոխանցման տուփով, օդային կախոցով եւ Wilwood արգելակներով։ Լրջորեն վերափոխված թափքը, ինչպես նաեւ սրահը՝ Momo ղեկով, Clayton Machine Works ոտնակներով եւ Mercedes-Benz գորգերով, անուշադրության չեն արժանանա։

Զարմանալի ռոդսթերը նախագծվել եւ կառուցվել է Կալիֆոռնիայում գործող Hot Rod Service Company արհեստանոցում, որը հիմնված է 1959 թվականի Chevrolet Corvette-ի վրա: Շասին արդիականացվել է խաչաձեւ ամրագոտիներով: Հետեւի մասում կա Currie Truetrac՝ չորս լծակներով, բայց այն նաեւ ունի AccuAir օդային կախոց: Արգելակները Wilwood-ից են՝ ծակոտկեն սկավառակներով եւ վեց մխոցանի տրամաչափերով, հայտնում է Motor-ը։

Արգելակման խողովակները, վառելիքի համակարգը եւ 68 լիտրանոց բաքը չժանգոտվող պողպատից են։ Միեւնույն ժամանակ, թափքը գրեթե ամբողջությամբ նոր է՝ կան նաեւ այլ առջեւի թեւեր, բամպերներ, ռադիատորի ցանց եւ դիմապակի։ Սրահում նույնպես որոշ նորամուծություններ կան։

Մեքենան կվաճառվի Սքոթսդեյլի Barrett-Jackson աճուրդում հաջորդ տարվա հունվարի 21-29-ը: Մեքենան գալիս է no reserve նշումով, այսինքն՝ առանց նվազագույն գնի։