Սաուդյան Արաբիան քննադատել է երկրներին՝ նավթի պաշարները գների մանիպուլացման նպատակով օգտագործելու համար

Սաուդյան Արաբիայի էներգետիկայի նախարար, արքայազն Աբդել Ազիզ բին Սալմանը քննադատել է երկրների կողմից նավթի արտակարգ պաշարների օգտագործումը գների մանիպուլացման համար՝ նախազգուշացնելով, որ էներգետիկ շուկաներն ապագայում դեֆիցիտի դեպքում ավելի մեծ «ցավ կապրեն»։

Մեկնաբանությունները հնչել են այն բանից հետո, երբ նախագահ Բայդենը ստորագրել է այս տարի ԱՄՆ ռազմավարական նավթի պաշարի պատմական օգտագործման փաստաթուղթը՝ ապրիլից 180 մլն բարել նավթ բաց թողնելով, իսկ այս ամիս հայտարարվել է եւս 14 մլն բարել բաց թողնելու մասին։ Չնայած ավելցուկային առաջարկն օգնել է զսպել էներգետիկ գնաճը, բայց այն ճնշում է գործադրում նավթի շուկաների վրա, ասել է Ամրիտա Սենը Energy Aspects-ից, քանի որ «պահուստները նախատեսված են ոչ դրա համար»։

Նավթի արտակարգ պաշարները ներկայում կրճատվում են, ընդ որում՝ СНР նավթի մակարդակը հասել է ամենացածր մակարդակին 1984-ից ի վեր, տեղեկացրել է Forbes-ը սեպտեմբերին։ Նավթի բացթողումները կարող են հանգեցնել ապագայում մատակարարումների դեֆիցիտի, նախազգուշացրել է Սաուդյան Արաբիայի էներգետիկայի նախարարարը։

«Իմ պարտքն է՝ աշխարհին հասկացնել, որ պաշարների կորուստն արտակարգ իրավիճակի դեպքում կարող է ցավագին լինել առաջիկա ամիսներին»,- ասել է արքայազնը, տեղեկացրել է Reuters-ը։

Դա կապված է այն բանի հետ, որ Սաուդյան Արաբիան եւ նավթ արդյունահանող մյուս երկրները նախատեսում են կրճատել նավթի արդյունահանումը։ ՕՊԵԿ+-ը հայտարարել է, որ նոյեմբերից կրճատելու է նավթի արդյունահանումն օրական 2 մլն բարելով, չնայած Բայդենի՝ արդյունահանումն ավելացնելու կոչերին, որպեսզի իջեցվեն էներգակիրների գները։

Բայց այդ կրճատումներն անհրաժեշտ են գնային շեղումներն էներգետիկ շուկայում վերացնելու համար, ասում են ՕՊԵԿ+-ի պաշտոնատար անձինք։ Եվ չնայած այն մեղադրանքներին, որ Սաուդյան Արաբիան նախընտրել է անցնել Պուտինի կողմը, ազգը նախընտրել է լինել «ավելի հասուն» կողմ ԱՄՆ-ի հետ իր երկպառակության հարցում, ավելացրել է արքայազնը։

Մյուս երկրները համախմբվել են Սաուդյան Արաբիային պաշտպանելու հարցում։ Թուրքիայի արտաքին գործերի նախարարը կոչ է արել ԱՄՆ ղեկավարներին դադարեցնել Սաուդյան Արաբիային «վախեցնելը»՝ արդյունահանումը կրճատելու պատճառով, իսկ Ինդոնեզիայի ֆինանսների նախարարը հայտարարել է, որ Արեւմուտքի տնտեսական պատժամիջոցները Ռուսաստանի դեմ, ինչպիսին է ռուսական նավթի գների սահմանափակման պլանը, անորոշություն են ստեղծում հումք արտահանողների համար, տեղեկացրել է Business Insider-ը։