43 000 տոննա խաղողի գնման պայմանագրերի կնքման դժվարություններ կան. Վահան Քերոբյան
Արմավիրի մարզում 43 000 տոննա խաղողի գնման պայմանագրերի կնքման դժվարություններ կան։ Այս մասին հունիսի 23-ին լրագրողների հետ զրույցում ասաց էկոնոմիկայի նախարար Վահան Քերոբյանը։
Նա վստահեցրեց, որ իշխանություններն աշխատում են ցուցակի վրա, եւ արդեն կան կնքված պայմանագրեր։ Նախարարը հիշեցրեց, որ կառավարությունը նախապես որոշել էր խթանել ձեռնարկությունների գնումները։ «Հուսով եմ, որ մնացած պայմանագրերը կկնքվեն մինչեւ ծրագրի գործողության ժամկետի ավարտը (մինչեւ հուլիսի 1-ը)»,- հավելեց Քերոբյանը։
Նշենք, որ Հայաստանի իշխանությունները որոշել են սուբսիդավորել այն ընկերությունների վարկերը, որոնք մինչեւ հունիսի 1-ը ֆերմերների հետ պայմանագրեր կկնքեն խաղողի գնման համար։