«Ինքը կարար մնար, իմ տղին վիրակապեր, որ արնաքամ չլիներ». Զոհվածի հայրը՝ հրամանատարի մասին

Ռազմական դրության ժամանակ իշխանության անգործության և մարտական դիրքը լքելու մեջ մեղադրվող Իշխան Վահանյանի գործով դատական նիստերի ընթացքում դատարանն ընթերցեց Պաշտպանության բանակի զորամասերից մեկում ծառայած, զոհված կամ անհետ կորած զինծառայողների անունները: Այս անձանց մի մասի զոհվելու և անհետ կորելու հանգամանքը կապվում են հրամանատար Իշխան Վահանյանի գործողությունների հետ:

Զոհված Ազիզյան Խաչատուր Գագիկի-կրտսեր սերժանտ
Զոհված Իսախանյան Վլադիմիր Տիգրանի-շարքային
Զոհված Ղազարյան Դավիթ Վոլոդյայի-շարքային
Զոհված Իսկանդարյան Սամվել Դավթի- կրտսեր սերժանտ
Զոհված Հովհաննիսյան Գարիկ Գառնիկի-շարքային
Զոհված Մկրտչյան Միքայել Ռուբենի-շարքային
Զոհված Հովակիմյան Կարեն Յուրայի-շարային
Զոհված Գևորգյան Երվանդ Վազգենի-շարքային
Զոհված Դևիկյան Հայկ Արթուրի- շարքային
Զոհված Գալստյան Մանվել Սարգսի-շարքային
Զոհված Գալստյան Լևոն Արմենի-կրտսեր սերժանտ
Զոհված Թիլիքյան Հարություն Դավիթի-շարքային
Զոհված Գասպարյան Ժորա Կամոյի-շարքային
Զոհված Սողոմոնյան Նարեկ Մեսրոպի-կրտսեր-սերժանտ
Զոհված Սահակյան Ռաֆիկ Գևորգի-շարքային
Զոհված Մարտիրոսյան Աշոտ Հովհաննեսի-շարքային
Զոհված Գյուղչաքյան էրիկ Արտակի –շարքային
Զոհված Գաբրիելյան Արման Բենիկի- շարքային
Զոհված Պետրոսյան Սասուն Սարուբեկի-շարքային
Զոհված Վաղարշակյան Սուրեն Հաամբարձումի-շարքային
Զոհված Ղազարյան Նարեկ Գեղամի-շարքային
Զոհված Ուռուսյան Համլետ Գարիկի-կրտսեր սերժանտ
Զոհված Խաչատրյան Վահագն Վաչագանի- շարքային
Զոհված Խաչատրյան Նարեկ Արթուրի-շարքային
Զոհված Վարդանյան Վրույր Ավետիքի-շարքային
Զոհված Երանոսյան Սերյոժա Վազգենի-շարքային
Զոհված Պողոսյան Ֆելիքս Գեղամի-շարքային
Զոհված Հովհաննիսյան Լևոն Արտյոմի-շարքային
Զոհված Ռաշոյան Գարիկ Ռադիկի-շարքային
ԶոհվածԱղաբեկյան Համլետ Արայիկի-շարքային
Զոհված Ղուկասյան Մհեր Աշխարաբեկի-սերժանտ
Զոհված Բեգանյան Արմեն Արայիկի-շարքային
Զոհված Գասպարյան Գևորգ Վաչագանի-կրտսեր սերժանտ
Զոհված Մարգարյան Ժիրայր Գագիկի-շարքային
Զոհված Խեչումյան Սուրեն Վրույրի-շարքային
Զոհված Շահմուրադյան Կարլեն Սամվելի-շարքային
Զոհված Գաբրիելյան Հրաչյա Գարեգինի-շարքային
Զոհված Պողոսյան Հովհաննես Վարուժանի-շարքային
Զոհված Մանուկյան Րաֆֆի Մանուկի-շարքային
Զոհված Գալոյան Սերոբ Սարգսի-շարքային
Զոհված Վարդանյան Վահե Էդիկի-սերժանտ
Զոհված Բրսոյան Գագիկ Սեդրակի-շարքային
Զոհված Մկրտչյան Լևոն Վարդանի-շարքային
Զոհված Եղոյան Սամվել Վարուժանի-շարքային
Զոհված Բարսեղյան Մարատ Նաիրիի-շարքային
Զոհված Հարությունյան Գևորգ Արմանի-շարքային
Զոհված-Մաթևոսյան Արման Արտակի-կրտսեր սերժանտ
Զոհված Նանյան Կամո Մխիթարի-շարքային
Զոհված Ավետիսյան Նարեկ Սուրենի-շարքային
Զոհված Սարգսյան Ռոբերտ Ռոմիկի-շարքային
Զոհված Գրիգորյան Մխիթար Կորյունի-շարքային
Զոհված Տաիրյան Դավիթ Նորայրի-շարքային
Զոհված Ասատրյան Աբել Հայկազի-շարքային
Զոհված Հովհաննիսյան Հարություն Հայկի-կրտսեր սերժանտ
Զոհված Ստեփանյան Ալբերտ Գագիկի-շարքային
Զոհված Ալթունյան Սարիբեկ Վալերիկի-շարքային
Զոհված Մարտիրոսյան Էրիկ Արթուրի-շարքային
Զոհված Արևշատյան Արսեն Լաերտի-շարքային
Զոհված Գրգորյան Գրիշա Սամվելի-շարքային
Զոհված Գալստյան Վազգեն Յուրիի-շարքային
Զոհված Թաթոյան Վարդան Կամոյի-շարքային
Զոհված Գևորգյան Վահագն Գրայիկի –շարքային
Զոհված-Խաչատուրյան Գագիկ Սուրենի-շարքային
Զոհված Խաչատրյան Արմեն Ավետիսի-շարքային
Զոհված Հովհաննիսյան Մեսրոպ Վարդանի-շարքային
Զոհված Գրիգորյան Գրիգոր Ավետիկի-շարքային
Զոհված Թորոսյան Մանուկ Սոսի-շարքային
Զոհված Սահակյան Հովիկ Արտաշեսի-շարքային
Զոհված Բրուտյան Արմեն Լևոնի-շարքային
Զոհված Մանուկյան Դավիթ Արթուրի-շարքային
Զոհված Ադոյան Դավիթ Արկադիի-շարքային
Զոհված Սիմոնյան Էմիլ Վանյայի-շարքային
Զոհված Գասպարյան Շիրակ Արմենակի-շարքային
Զոհված Հովհաննիսյան Մարտին Հովհաննեսի-շարքային
Զոհված Այվազյան Արտաշես Ռուստամի-շարքային
Զոհված Պետրոսյան Նորայր Վարազդատի-շարքային
Զոհված Գրիգորյան Ազատ Խաչատուրի-շարքային
Զոհված Մխիթարյան Տիգրան Արսենի-շարքային
Զոհված Իսախանով Աշու Ռուչարդի-շարքային
Զոհված Մարտիրոսյան Վրեժ Համլետի- կրտսեր սերժանտ
Զոհված Աղաջանյան Բենիամին Սիմոնի-շարքային
Զոհված Բարսեղյան Արթուր Վարդանի-կրտսեր սերժանտ
Զոհված Ներսիսյան Կարեն Դավիթի-շարքային
Զոհված Սամբատով Սամվել Գրիշի-շարքային
Զոհված Մխիթարյան Էրիկ Ռուստամի-շարքային
Զոհված Տոնոյան Մեխակ Հարությունի-շարքային
Զոհված Ղահրամանյան Արայիկ Վարուժանի-շարքային
Զոհված Սողոմոնյան Հովհաննես Մխիթարի-շարքային
Զոհված Ստեփանյան Նարեկ Սուրաչի-շարքային
Զոհված Ագանեսյան Տիգրան Արմենի-շարքային
Զոհված Եսայան Սուրեն Սարգսի-շարքային
Զոհված Ավետիսյան Վահագն Արամի-շարքային
Զոհված Խաչատրյան Վանիկ Վալերիկի-շարքային
Զոհված Հարություն Զորիկ Արծրունու-շարքային
Զոհված Ալեքսանյան Ռուբիկ Արսենի-շարքային
Զոհված Հարությունյան Հայկ Հրանտիկի-շարքային
Զոհված Ստեփանյան Միխայիլ Կամոյի-շարքային
Զոհված Մկրտչյան Արտյոմ Հակոբի-շարքային
Զոհված Ջավրուշյան Թաթուլ Հովսեփի-շարքային
Զոհված Համբարձումյան Տիգրան Արսենի-շարքային
Զոհված Գրիգորյան Արտյոմ Սամվելի-շարքային
Զոհված Մկրտչյան Գագիկ Մկրտչի-շարքային
Զոհված Օհանյան Հակոբ Տիգրանի-շարքային
Զոհված Միրումյան Լևոն Սամվելի-շարքային
Զոհված Մխիթարյան Մխիթար Գագիկի-շարքային
Զոհված Մհերյան Էդգար Արմենի-շարքային
Զոհված Աղաբեկյան Մխիթար Ավետիկի –շարքային
Զոհված Խանգալդյան Արմեն Սասունի-շարքային
Զոհված Բադալյան Արմեն Արսենի
Զոհված Ղահրամանյան Գոռ Հրաչիկի
Զոհված Մադոյան Ստեփան Հայկի-շարքային
Զոհված Հովսեփյան Լևոն Սարմենի

Գտնվելու վայրն անհայտ է

Բաղդասարյան Նարեկ Մարատի-շարքային
Թամարյան Սպարտակ Արմանի-շարքային
Մկրտրյան Արամ Ալեքսանդրի-շարքային
Հակոբյան Հակոբ Խաչիկի-շարքային
Մուսայելյան Արսեն Սամվելի-շարքային
Ալեքսանդր Արթուրի Ստեփանյան-շարքային
Հակոբյան Արմեն Վարուժանի-շարքային
Դարբինյան Աշոտ Լևոնի-շարքային
Ղուկասյան Սարգիս Արմանի-շարքայի

Դատարանը՝ նախագահությամբ դատավոր Ջոն Հայրապետյանի, երեկ՝ հունիսի 20-ին տեղի ունեցած դատական նիստի ժամանակ ավարտեց գործում առկա փաստաթղթերի հետազոտումը: Գործում իրեղեն ապացույցներ չկան: Հաջորդ նիստին արդեն պետք է ցուցմունք տան գործով վկաները:

Դատարանում հրապարակվեցին հրամանները, որոնց համաձայն՝ Իշխան Վահանյանը 2019 թվականից մինչև 2020թ․-ի հոկտեմբեր ամիսը մի քանի պաշտոն է ստացել:

Մասնավորապես՝ Պաշտպանության նախարարի 20.11. 2019 թվականի հրամանով մայոր Իշխան Արմենի Վահանյանը նշանակվել է Պաշտպանության բանակի զորամասներից մեկի ուսումնական գումարտակի հրամանատարի տեղակալ, շտաբի պետ՝ ազատելով նույն զորամասի մեկ այլ գումարտակի բարոյահոգեբանական ապահովման գծով տեղակալի պաշտոնից:

Ամիսներ անց Վահանյանը ազատվել է զբաղեցրած պաշտոնից ու նշանակվել Պաշտպանության բանակի զորամասի գումարտակներից մեկի հրամանատարի տեղակալ, շտաբի պետ:

2020 թվականի հոկտեմբերի 9-ին մայոր Վահանյանը նշանակվել է նույն զորամասի գումարտակի հրամանատար: Տասն օր անց Վահանյանն ազատվել է պաշտոնից ու թողնվել Պաշտպանության բանակի կադրերի տրամադրության տակ:

Հետազոտվեց նաև Վահանյանի հիվանդության պատմությունը: Ըստ քրեական գործում առկա տվյալների՝ Վահանյանը վիրավորվելուց հետո՝ հոկտեմբերի 10-ին տեղափոխվել է Խնձորեսկի զորամասի հոսպիտալ, որտեղ վիրակապվել է, ապա 7 օր անց բուժման հետագա ընթացը որոշելու համար տեղափոխվել է Զանգեզուրի կենտրոնական հոսպիտալ, որտեղ վիրահատվել է ու նրան տրամադրվել է վերականգնողական արձակուրդ:

Վահանյանը հայտնեց, որ վիրավորումից հետո իրենց տարել են Տող գյուղի բուժկետ, հետո՝ Ստեփանակերտ, ապա նոր միայն՝ Խնձորեսի հոսպիտալ: Դատարանի հարցին՝ ո՞վ է տարել,Վահանյանը պատասխանեց, թե շտապօգնությունը: Նշենք, որ գործով չի պարզվել, թե Վահանյանը ինչ մեքենայով և ում հետ է տեղափոխվել Ստեփանակերտ:

Գործում առկա է նաև տվյալ այն մասին, որ Իշխան Վահանյանին հոկտեմբերի 4-ին է վերականգնողական արձակուրդ տրամադրվել: Դատավոր Ջոն Հայրապետյանը կողմերի ուշադրությունը հրավիրեց այդ հանգամանքին ու նշեց, որ, փաստորեն, ըստ փաստաթղթերի ստացվում է, որ ամսի 10-ին վիրավորում ստացած հրամանատարին ամսի 4-ին արդեն վերականգնողական արձակուրդ է տրամադրվել:

«ՊՆ-ն դավաճաններին մայրական խնամքի է ուղակել»,- տեղից արձագանքեց դահլիճում ներկա տուժողի իրավահաջորդներից մեկը:

Վիրավորումից հետո, ըստ բժշկական փաստաթղթերի, Իշխանյանին պարզապես վիրակապել են, այսինքն՝ առնվազն 7 օր վիրահատության անհրաժեշտություն չի եղել:

Տուժողի իրավահաջորդներից Գեղամ Ղազարյանը վրդովմունք հայտնեց, որ թեթև վիրավորում ստանալով՝ Վահանյանը չի մնացել մարտական դիրքում:

«Այսինքն՝ վիրավորումը նրա կյանքին վտանգ չի սպառնացել, ինքը փախել ա, ինքը կարար մնար, իմ տղին վիրակապեր, որ արնաքամ չլիներ, իմ տղեն 12 ժամ ապրել ա, վիրակապող չի եղել… կադրեր կան, երբ զինվորը վիրակապված կռվում ա, բայց էս մարդը ափալ-թափալ փախել ա՝ մայրական խնամքի»,- ասաց Ղազարյանը:

«Զինվորներին լսելու ենք՝ որպես վկա»- ասաց դատավորը:

«Զինվորները ողջ չեն»,- տեղից արձագանքեց ծնողներից մեկը: Դատավորը պարզաբանեց, որ գործող վկա զինվորներ կան, խոսքը նրանց մասին է:

Մեկ այլ զոհվածի հայրը՝ Ալբերտ Ստեփանյանն էլ ասաց, որ իր երեխային 2020-ի սեպտեմբերի 25-ին վիրահատել են, 28-ին՝ տարել դիրքեր:

«Ո՞վ է հրաման տվել, որ էրեխուն էդ կարգավիճակով տանեն պոստեր»,- հարցրեց հայրն ու նշեց, որ երեխայի գումարտակի հրամանատարը եղել է Իշխան Վահանյանը:

Դատարանը հրապարակեց նաև այն իրավական նորմեր, որոնց խախտումը մեղսագրված է Իշխան Վահանյանին: Դրանցից մեկը 1996 թվականի դեկտեմբերի 3-ին Ազգային ժողովի կողմից ընդունված «Հայաստանի Հանրապետության զինված ուժերի ներքին կանոնգիրքը հաստատելու մասին ՀՀ օրենքն» է:

Մասնավորապես՝ կանոնակարգի 13-րդ հոդվածի համաձայն`

Հոդված 13. Հայաստանի Հանրապետության զինված ուժերի զինծառայողը ծառայության ժամանակ ղեկավարվում է օրենքների, զինվորական կանոնադրությունների պահանջներով և հրամանատարների հրամաններով:

Զինծառայողը պարտավոր է`

հավատարիմ լինել զինվորական երդմանը, անձնուրաց կերպով ծառայել իր ժողովրդին, արիաբար, հմտորեն, չխնայելով սեփական արյունը և նույնիսկ կյանքը, պաշտպանել Հայրենիքը` Հայաստանի Հանրապետությունը, կատարել զինվորական պարտքը, անսասան տանել զինվորական ծառայության դժվարությունները.

խստորեն պահպանել Հայաստանի Հանրապետության Սահմանադրությունն ու օրենքները, կատարել զինվորական կանոնադրությունների պահանջները.
մշտապես տիրապետել ռազմական մասնագիտական գիտելիքներին, կատարելագործել սեփական իմացությունը և զինվորական վարպետությունը.

իմանալ և գործադրման համար մշտապես պատրաստ պահել իրեն հանձնված սպառազինությունը և մարտական տեխնիկան, պահպանել պետական և ռազմական ունեցվածքը.

լինել ազնիվ, կարգապահ և խիզախ զինվորական պարտքի կատարման ժամանակ, ցուցաբերել խելամիտ նախաձեռնություն.

անվերապահորեն ենթարկվել հրամանատարներին (պետերին) և նրանց պաշտպանել մարտի ժամանակ, պաշտպանել զորամասի մարտական դրոշը.

բարձր պահել զինվորական ընկերասիրությունը, չխնայելով կյանքը` ընկերներին փրկել վտանգից, նրանց օգնել խոսքով ու գործով, հարգել նրանցից յուրաքանչյուրի պատիվն ու արժանապատվությունը, իր և ուրիշ զինծառայողների նկատմամբ թույլ չտալ կոպտություն և ծաղրուծանակ, նրանց հեռու պահել անարժան արարքներից.

պահպանել զինվորական հարգանքի, վարքի և զինվորական ողջույնի կանոնները, մշտապես լինել համազգեստով` մաքուր և խնամքով հագնված.

լինել աչալուրջ, խստորեն պահպանել պետական և ռազմական գաղտնիքը:

Նույն կանոնակարգի 73-ից 80-րդ հոդվածներով սահմանվում են հրամանատարի ընդհանուր պարտականությունները:

Կանոնակարգի 73-րդ հոդվածով սահմանվում է, որ հրամանատարը միանձնյա ղեկավար է: Խաղաղ և պատերազմի ժամանակ պատասխանատու է.

Իրեն վստահված զորամասի (ստորաբաժանման) մշտական մարտական ու զորահավաքային պատրաստականության համար, զորամասի (ստորաբաժանման) մարտական խնդիրների հաջող կատարման համար, անձնակազմի մարտական պատրաստության, զինվորական կարգապահության, բարոյահոգեբանական վիճակի և զինվորական ծառայության անվտանգության համար, ներքին կարգուկանոնի համար, սպառազինության, ռազմական տեխնիկայի և նյութական այլ միջոցների վիճակի ու պահպանության համար, տեխնիկական, նյութական, ընդգծված բժշկական, ֆինանսական, սոցիալ-իրավական ու կենցաղային ապահովման համար:

Հրամանատարը պարտավոր է կայուն և հետևողական կերպով կենսագործել պետական քաղաքականությունը պաշտպանության բնագավառում, մշտապես կատարելագործել անձնական մասնագիտական պատրաստությունը և զորամասի (ստորաբաժանման) ղեկավարման մեթոդները, հմտորեն աշխատանք տանել կադրերի հետ, ղեկավարել գիտական, գյուտարարական և նորարարական աշխատանքը:

Կանոնակարգի 78-րդ հոդվածով սահմանվում է

Հրամանատարը (պետը) պատասխանատու է ենթակա անձնակազմի կողմից զինվորական ծառայության անվտանգության պահանջների կատարման համար և պարտավոր է միջոցներ ձեռնարկել անձնակազմին զոհվելուց, խեղվելուց զերծ պահելու համար, սահմանել անվտանգության ապահովման անհրաժեշտ պահանջներ, մարտական հերթապահության (մարտական ծառայության) ժամանակ սպառազինության և ռազմական տեխնիկայի հետ աշխատելիս, ռազմերթերի, զորավարժությունների անցկացման, մարտական հրաձգության (հրթիռարձակման), թռիչքների, հատուկ պարապմունքների և աշխատանքների անցկացման, պահակային և ներքին (հերթապահ) ծառայությունների ժամանակ անվտանգության այդ պահանջները վաղօրոք հասցնել ենթականերին և պահանջել դրանց խստագույն կատարումը:

Պարապմունքները, աշխատանքները և ծառայության այլ միջոցառումները սկսելուց առաջ հրամանատարը պարտավոր է անձամբ համոզվել, որ դրա համար ստեղծված և ապահովված են անվտանգ պայմաններ, ստորադրյալները յուրացրել են անվտանգության պահանջները և տիրապետում են դրանց իրականացման անհրաժեշտ գործնական հմտությունների:

Զինվորական ծառայության անվտանգության ուղղությամբ հրամանատարի (պետի) ձեռնարկած միջոցները չպետք է հանգեցնեն մարտական առաջադրանքի կատարման ձախողման:

Կանոնակարգի 85-րդ հոդվածով՝

Ժամանակավոր բացակայության դեպքում հրամանատարը (պետը) իր պարտականությունների կատարման համար թողնում է տեղակալին: Հաստիքային տեղակալի բացակայության դեպքում և եթե հրամանատարը չի նշել տեղակալի, հրամանատարությունն իր վրա է վերցնում պաշտոնով ավագ, իսկ հավասար պաշտոնների դեպքում` կոչումով բարձր անձը: Հրամանատարությունը վերցնողն այդ մասին զեկուցում է ավագ հրամանատարին (պետին):

Զորամասի նոր նշանակված հրամանատարը հրամանատարությունն ստանձնում է ավագ հրամանատարի (պետի) կարգադրության կամ հրամանի հիման վրա: Հրամանատարությունը ստանձնելու մասին զորամասի հրամանատարն այդ մասին հայտարարում է հրամանում և զեկուցում ավագ հրամանատարին (պետին):

Զորամասի (ստորաբաժանման) նոր նշանակված հրամանատարը զորամասի (ստորաբաժանման) անձնակազմին ներկայացնում է ավագ հրամանատարը (պետը):

Գումարտակի հրամանատարի պարտականությունները սահմանվում են կանոնակարգի 129 և 130-րդ հոդվածներով:

Ըստ 129-րդ հոդվածի՝ Գումարտակի հրամանատարը

խաղաղ և պատերազմական ժամանակ պատասխանատու է գումարտակի մարտական և զորահավաքային պատրաստության և նրա կողմից մարտական առաջադրանքների հաջող կատարման, անձնակազմի մարտական պատրաստության դաստիարակության, զինվորական կարգապահության և բարոյահոգեբանական վիճակի, գումարտակում ներքին կանոնների պահպանման, սպառազինության, ռազմական տեխնիկայի և գումարտակի նյութական մյուս միջոցների վիճակի և անվթարության համար: Գումարտակի հրամանատարը ենթարկվում է գնդի հրամանատարին և գումարտակի ողջ անձնակազմի ուղղակի պետն է:

Հոդված 130-ը սահմանում է

Գումարտակի հրամանատարը մարտական պատրաստության և գումարտակում զինվորական դաստիարակության հիմնական կազմակերպիչն է: Գումարտակի հրամանատարը պարտավոր է`

ղեկավարել գումարտակի անձնակազմի մարտական պատրաստությունն ու դաստիարակությունը, հմտորեն ղեկավարել գումարտակը.

պարապմունքներ անցկացնել շտաբի և սպաների, ենթասպաների հետ, ինչպես նաև զորավարժություններ ու պարապմունքներ` գումարտակի ստորաբաժանումների հետ.

ղեկավարել գումարտակի մարտական պատրաստության պլանի մշակումն ու կատարումը.

գիտենալ գումարտակի յուրաքանչյուր սպայի, ենթասպայի և սերժանտի (ավագի) գործնական և բարոյահոգեբանական հատկանիշները, նրանց հետ մշտապես անհատական աշխատանք անցկացնել զինվորական դաստիարակության և մասնագիտական պատրաստության ուղղությամբ.

զինվորական կոլեկտիվներում հաստատել հրապարակայնություն, սոցիալական արդարություն, զինծառայողների փոխադարձ վստահություն, ստորաբաժանումներում ստեղծել թերությունների, անտարբերության և պասիվության նկատմամբ անհանդուրժողականության մթնոլորտ.

իրականացնել զինվորական ծառայության, ինչպես նաև ռազմական ուսումնական հաստատություններ ընդունվելու համար թեկնածուների ընտրությունը.

ստուգել զինվորների, սերժանտների (ավագների) և ենթասպաների ընտրության ճշտությունը պաշտոնների նշանակելիս.

պահպանել ներքին կարգուկանոնը, կազմակերպել գումարտակի տեղաբաշխման պահպանությունը և ստուգել գումարտակի անձնակազմի պահակային և ներքին ծառայությունների կատարումը.

ամեն ամիս ամփոփել մարտական պատրաստության, զինվորական կարգապահության և ներքին ու պահակային ծառայության վիճակը.

գիտենալ գումարտակի ստորաբաժանումներում եղած սպառազինությունը, ռազմական տեխնիկան և ռազմամթերքը, կազմակերպել դրանց ճիշտ շահագործումը և առնվազն երեք ամիսը մեկ անգամ անձամբ ստուգել դրանց առկայությունը, վիճակն ու հաշվառումը.

կանխել աղետները, վթարները, ռազմական տեխնիկայի վնասվածքները, միջոցառումներ անցկացնել, ինչպես նաև սպառազինության, ռազմական տեխնիկայի և ռազմամթերքի հետ աշխատելիս պարապմունքների, հրաձգության զորավարժությունների և աշխատանքի անցկացման ժամանակ իրականացնել անվտանգության պահանջների կատարման հսկողությունը.

հետևել գումարտակին հատկացված բոլոր շենքերի և շինությունների վիճակին և ճիշտ շահագործմանը, տարածքի` գումարտակին կցված հատվածը, այդ թվում նաև հավաքակայանի տարածքի համապատասխան հատվածը մաքուր վիճակում պահելուն.

ղեկավարել գումարտակի տնտեսությունը:

Հրապարակվեցին նաև կանոնադրությանն առնվող այլ նորմեր, որից հետո նիստը հետաձգվեց: Հաջորդը նշանակվեց հունիսի 28-ին:

Աղբյուրը՝ Hetq