«Ամբողջ Հայաստանը Գյումրիում»․ «Move to Armenia»-ի փառատոնը նորովի է ներկայացնում Հայաստանի գեղեցիկ անկյունը

Գյումրին ճանաչելու եւ քաղաքին սիրահարվելու եւս մեկ հնարավորություն․ հունիսի 10-12-ը երկրի մշակութային մայրաքաղաքը հյուրընկալեց «Ամբողջ Հայաստանը Գյումրիում» փառատոնը։ «Move to Armenia» հասարակական կազմակերպության նախաձեռնած եռօրյա տոնի շրջանակներում քաղաքը հյուրեր է ընդունել ինչպես Հայաստանից, այնպես էլ աշխարհի տարբեր անկյուններից՝ առաջարկելով ամենատարբեր միջոցառումներ։ Նպատակը՝ նորովի ներկայացնել Գյումրին, քաղաքի կոլորիտն ու մշակութային տեսակը, ներգրավվել հայրենադարձների եւ այլազգի հյուրերի։ Փառատոնի գլխավոր հովանավորը «Ohanyan Brandy Company»-ն է։

Փառատոնի շրջանականերում կայացել են երեսուն հետաքրքիր իրադարձություններ։ Մեկնարկը տրվել է Գյումրու «Garage» ակումբում «Lav Eli» եւ «Another story band» խմբերի վառ համերգով։ Հիմնական օրը՝ հունիսի 11-ին, այցելուներն օրը հետաքրքիր ու վառ անցկացնելու բազմաթիվ հնարավորություններ են ստացել․ օրինակ՝ խորասուզվել արվեստի աշխարհում․ քաղաքի հինգ թանգարան իր դռներն է բացել հյուրերի առաջ։ Ընդ որում, մշակութային օջախներ հնարավոր էր այցելել ընդամենը մեկ տոմսով։ Այցելուները հայտնի զբոսավարների հետ շրջել են քաղաքում։

Ամռան գլխավոր իրադարձություններից մեկի շրջանակներում Գյումրու Աբովյան փողոց էին եկել հայկական ընկերությունների ներկայացուցիչներ, որոնք ներկայացնում էին իրենց արտադրանքը։ Կենտրոնական հրապարակում Ֆրանսիայի դեսպանատան նախաձեռնությամբ կրկեսային թատերական ներկայացում էր։ Աշխարի խոհանոցները հնարավոր էր գտնել մեկ հարթակում՝ Վարդանանց հրապարակում։ Գյումրու տեխնոլոգիական կենտրոնում այցելուներին սպասում էր expo՝ կարիերա, կյանք, կրթություն, բիզնես թեմայով։ Երեկոն եզրափակել են վառ ու հետաքրքիր համերգը՝ «TmbaTa Orchestra»-ի, «Ալեքսանդրապոլ» նվագախմբի եւ «Katil»-ի մասնակցությամբ ու afterparty-ն։ Հունիսի 12-ին մասնակիցներին սպասվում էր ազգային շոու։

«Move to Armenia»-ի համահիմնադիր Գարիկ Գեւորգյանը նշում է՝ փառատոնի կազմակերպման գաղափարը ծագել է այն միջոցառումների ընթացքում, որոնք իրենք անց են կացրել Երեւանում։ «Զգացինք, որ Երեւանում փառատոնները շատ մեծ հետաքրքրություն ունեցան։ Նախագիծը կոչվում էր «Move to Armenia»: Մենք որոշեցինք դրա շրջանակներում նաեւ նախագծեր անել Երեւանից դուրս։ Առաջինն ընտրեցինք Գյումրի քաղաքն ու այն անվանեցինք «Ամբողջ Հայաստանը Գյումրիում» (All Armenia in Gyumri)։ Դա վերաբերում է ոչ միայն հայերին։ «Ամբողջ Հայաստանը Գյումրիում» նշանակում է այսօր Հայաստան եկած մեր հյուրերը, զբոսաշրջիկները, հայերը գան, տեսնեն մեր Գյումրին»,- ասաց նա՝ նշելով, որ ստացել են լուրջ արձագանք, աջակցություն քաղաքապետարանի կողմից եւ սկսել կազմակերպել փառատոնը։ Գեւորգյանն արձանագրում է՝ փառատոնին մասնակցության մակարդակը բարձր է, ընդ որում, հետաքրքրված են ոչ միայն հայերն, այլեւ զբոսաշրջիկները։

Գյումրու համայնքապետի տեղակալ Դավիթ Առուշանյանը շնորհակալություն հայտնեց ծրագրի կազմակերպիչներին նախաձեռնությունը Գյումրի բերելու համար։ «Քաղաքապետարանը եւ անձամբ ես նմանատիպ միջոցառումներին միշտ աջակցելու ենք ու աջակցում ենք, որովհետեւ այս միջոցառումները երկու ուղղվածություն ունեն՝ մեր գյումրեցիների առօրյա կյանքի փոփոխություն, ավելի հետաքրքիր ժամանց ունենալու հնարավորություն եւ Գյումրին Հայաստանի այլ քաղաքներին ու աշխարհին ցույց տալու հնարավորություն։ Զոսաշրջիկներն ասօր շատ են գյումրիում, գյումրեցիները շատ ուրախ են»,- ասաց համայնքապետի տեղեկալը՝ խոստանալով, որ այս ամռանը Գյումրիում շատ թեժ է լինելու։ «Գյումրին այն քաղաքն է, որը, միանշանակ, ամբողջ աշխարհին ցույց տալու բան ունի»,- եզրափակեց Առուշանյանը։

Նկարիչ, մոդելավորող Արմեն Երիցյանը նշեց, որ հունիսի 11-ի վաղ առավոտից ներկա է գտնվել միջոցառումներին, եւ Գյումրիում տոնական տրամադրություն էր։ «»Move to Armenian»-ն շատ նախաձեռնություններ ունի, բայց այս փառատոնը, հավանաբար, ամենահետքրքիրն էր ինձ համար։ Առաջ կտանի Գյումրում տեխնոլոգիական զարգացումը, որն արդեն իսկ առկա է․ Տեխնոլոգիական կենտրոնում տեսանք, թե ինչ ընկերություններ կան, ինչով են զբաղվում, համագործակցում համաշխարհային շատ մեծ կազմակերպությունների հետ։ Ժողովրդական արվեստի շատ հետաքրքիր նմուշներ էին ներկայացված, կարող էք նաեւ մասկացել, ինքներդ գործել, կավագործություն անել, տարբեր ռետորաններ ու սրճարաններ, շատ համեղ ուտեսներ էին ներկայացված, ինչպես նաեւ ֆրանսիական խումբ, որը շատ հետաքրքիր շոու ներկայացեց։ Շնորհակալություն Ֆրանսիայի դեսպանատանը, որ այս տոնն ավելի հետաքրքրացրեց։ Կցանկանամ, որ յուրաքանչյուր տարի ավելի ու ավելի շատ ե՛ւ հայաստանցիներ, ե՛ւ զբոսաշրջիկներ մասնակցեն այս շատ լավ տոնին»։

Գարիկ Գեւորգյանը նշում է՝ «Move to Armenia»-ն մեկնարկել են՝ համագործակցելով «IDeA Foundation»-ի հետ․ «Ի սկզբանե միտք է եղել աշխատել 50 հազար ընտանիքների՝ Հայաստան հայրենադարձության շուրջ։ Հետո ժամանակը մեզանից առաջ վազեց։ Մենք տեսանք հոսքը դեպի Հայաստան եւ ոչ միայն հայերի։ Կար ադապտացվելու խնդիր։ Որոշեցինք մեր միջոցառումներով օգնել ու աջակցել։ Հիմա աշխատում ենք ագրագոտրի ստեղծման վրա, որն առցանց ձեւաչափով է լինելու։ Աշխատանքի ընթացքում մենք ուզում ենք դրանում ներգրավվել բոլոր ոլորտները։ Կարճ ասած՝ լինի Ավստրալիայից եկած հայ կամ Ռուսաստանից եկած ռուս, որն ուզում է տեսնել, հասկանել Հայաստանը, կտեսնի այդ ագրագատորը ու կգնտի բոլոր հարցրերի պատասխանները՝ սկսած ուսման ոլորից, մինչեւ բժշկություն, սպորտ, բիզնես։ Հուսամ՝ շուտով կմեկնարկենք դա։ Իսկ ինչ վերաբերում է փառատոններին, Երեւանում է անկացվել, հիմա՝ Գյումրիում, Գյումրուց հետո կփորձենք ամռան վերջ կամ սեպտեմբեր ամսին փառատոն անցկացնել Վանաձոր քաղաքում»։