Եթե որևէ մեկը կկանգնի, կասի հնարավոր էր 44-օրյա պատերազմում հաղթել, կասեմ՝ սուտ է. Տիրան Խաչատրյան
Դեռ մինչև պատերազմը սկսելն արդեն իսկ շատ բան «այն չէր», սկսած պետական կառավարման համակարգից, վերջացրած ռազմական խնդիրներից։ Այս մասին այսօր՝ մայիսի 9-ին, Եռաբլուրում լրագրողների հետ զրույցում ասաց ԳՇ պետի նախկին առաջին տեղակալ Տիրան Խաչատրյանը:
«Մեր մասնակցությամբ կարող էինք նպաստել այդ խնդիրների լուծմանը, սակայն իրենք չուզեցին, որ մեր նմանների ներկայությունը լինի այդ համակարգում։ Պարզ ճշմարտություն կա՝ կամայական անձնավորությունը չի կարող զբաղվել մի բանով, որին չի տիրապետում: Եթե մարդը չգիտի պետությունը պատերազմին նախապատրաստելու կարգը, քայլերի հաջորդականությունը, ինչպե՞ս կարող է անել, ինչքան ուզում ես բացատրիր: Շատ քննարկումներ են եղել, շատ բաներ վերածվել են նույնիսկ դասախոսության, թե ինչը ոնց պետք է արվի, բայց իրենք նախ չունեին այդ որակները, չէին էլ ուզում դրանով լրջորեն զբաղվել, որովհետեւ որքան պատկերացրել եմ, իրենց համար դրանք ոչ այնքան կարևոր հարցեր են եղել»,-ասաց նա:
Խոսելով պատերազմի ելքի և հնարավոր հաղթանակի մասին՝ Խաչատրյանը ասաց․«Հնարավոր էր հաղթել եթե ի՞նչ, եթե ո՞ւմ հետ: Ամեն ինչ հնարավոր էր, բայց այն իրադրության պայմաններում, որը ունեինք 44-օրյա պատերազմի ժամանակ, եթե ինչ-որ հանճարեղ, գերբնական ուժ ունեցող մեկը կկանգնի, կասի հնարավոր էր հաղթել,կասեմ, որ սուտ է»։
Հարցին՝ իսկ հնարավո՞ր է, որ ԳՇ-ն այլ բան է զեկուցել վարչապետին, ինքն էլ ապակողմնորոշվել է, Տիրան Խաչատրյանը պատասխանեց, որ Նիկոլ Փաշինյանի ասածները տարբեր հարցերում տարբեր բաներ է ասում, որոնք մոտ չեն ճշմարտությանը. «
Դիտարկմանը, որ իշխանությունները պնդում են, որ պատերազմի օրերին ԳՇ պետ Օնիկ Գասպարյանը պատերազմի առաջին օրերին չի առաջարկել կանգնեցնել պատերազմը, մինչդեռ Օնիկ Գասպարյանն այլ բան է ասում, Տիրան Խաչատրյանն ասաց. «Ես Անվտանգության խորհրդի նիստին ինքս չեմ մասնակցել: Տեղյակ չեմ մանրամասներին՝ ինչ է տեղի ունեցել, չնայած ԳՇ նախկին պետի հետ մենք այդ հարցը քննարկել ենք՝ ինչ զեկույցներ, ինչ առաջարկություններ են տեղի ունեցել: Ես հավատում եմ, որ ԳՇ նախկին պետը զեկուցել է այդ մասին»: