Վրաստանում կորոնավիրուսի 20326 նոր դեպք է գրանցվել
Անցած մեկ օրվա ընթացքում Վրաստանում գրանցվել է կորոնավիրուսով վարակման 20326 նոր դեպք։ Այս մասին այսօր հայտնել են COVID-19-ի դեմ պայքարի օպերատիվ շտաբում, գրում է «Նովոստի Գրուզիա»-ն։
Տվյալները ստացվել են ավելի քան 65.8 հազար թեստերի հիման վրա։ Համավարակի սկզբից ի վեր Վրաստանում գրանցված կորոնավիրուսով վարակման դեպքերի ընդհանուր թիվը շաբաթ առավոտյան հասել է 1.438.353-ի։
Կորոնավիրուսից մահացել է 57 հիվանդ: Մահվան դեպքերի ընդհանուր թիվը 15516 է կազմել։
Ապաքինվել է 48 468 մարդ, նրանց ընդհանուր թիվը հասել է 1 226 619-ի։
Վրաստանում այս պահին կա կորոնավիրուսի 196192 ակտիվ դեպք։ Նրանցից 6100-ը բուժվում է հիվանդանոցներում։ 1261 հիվանդի վիճակը ծանր է գնահատվում, 278-ը միացված է թոքերի արհեստական օդափոխության համակարգին։ Covid հյուրանոցներում բժիշկների հսկողության տակ շարունակում է 1758 մարդ մնալ, իսկ տնային պայմաններում բուժում է ստանում 188334 մարդ: