Տորրես. Ֆուտբոլի հավերժ երեխան....
Ֆերնանդո Տորրեսը «Չելսիի» և Իսպանիայի հավաքականի հարձակվող է, ում, չնայած երիտասարդ տարիքին, սիրում և գնահատում են շատ-շատերը: Նրա՝ թիմային և անհատական բազմաթիվ նվաճումները խոսում են մեծ տաղանդի մասին:
Տորրեսը ծնվել է 1984թ. մարտի 20-ին Իսպանիայի մայրաքաղաք Մադրիդում: Դեռ մանկուց իսպանացին սիրում էր գնդակ խաղալ ընկերների հետ: 1991-ին Ֆերնանդոն արդեն խաղում էր իրենց փողոցի սրճարանի թիմում :) 10 տարեկանում նա սկսում է հանդես գալ տեղական «Ռայո 13»-ում: Չնայած տարիքին' Ֆերնանդոն արքա էր դաշտում ու պարբերաբար իր գոլերով անհանգստացնում էր մրցակցի դարպասապահին: Թիմում մեկ մրցաշրջանում նա 55 գոլ խփեց:
11 տարեկանում պատանի Տորրեսը սկսում է խաղալ «Ատլետիկոյում»: Այդ ժամանակ Տորրեսը ճանաչվեց Եվրոպայի լավագույն ֆուտբոլիստը' մինչև 15 տարեկանների շրջանում:
15 տարեկանում Տորրեսը «Ատլետիկոյի» հետ կնքեց առաջին պրոֆեսիոնալ պայմանագիրը: Դեբյուտը 2000/01-ին էր՝ «Ալբաստեի» հետ խաղում:
Դեռ փոքր տարիքից Տորրեսին El niño (իսպաներենից թարգմանաբար՝ երեխա ) կեղծանունն են տվել: Պատճառներից մեկը գուցե արտաքինն է' պեպեններ, կարմիր թշեր ու տարքի հետ անփոփոխ մանկական պարզ հայացք: Այս կեղծանունը Տորրեսին ուղեկցում է մինչև այսօր:
Իսպանիայի հավաքականում Տորրեսը առաջին անգամ խաղաց Պորտուգալիայի հետ ընկերական հանդիպմանը: 2004-ին նա մասնակցեց Եվրոպայի առաջնության 3 հանդիպման: 2006-ին հավաքականի հետ մեկնեց Գերմանիա՝ մասնակցելու աշխարհի առաջնությանը: Այդ ժամանակ Ֆերնանդոն 4 խաղում կարողացավ 3 գնդակ խփել:
2007-ի հուլիսի 4-ից Ֆերնանդոն սկսեց հանդես գալ անգլիական «Լիվերպուլում»: 2008-ի հունիսի 29-ը հաղաթկան էր իսպանացու համար: Եվրոպայի առաջնության եզրափակչում Տորրեսը խփեց միակ ու հաղթական գոլը, և Իսպանիան պարտության մատնեց Գերմանիային:
2009/10 մրցաշրջանը բարդ ստացվեց Տորրեսի համար. բազմաթիվ վնասվածքներ ուներ ու բավականաչափ բացակայեց դաշտից: Չնայած այդ ամենին անգլիական ակումբին 18 գոլ տվեց:
Լոնդոնի «Չելսին» 2011-ին հետաքրքրվում է իսպանացու տրանսֆերով և հունվարի 31-ին Տորրեսը պայմանագիր է կնքում ակումբի հետ: Տորրեսը լոնդոնցիների համար 50 մլն ֆունտ արժեցավ: Տարեկան նա պետք է 9.1 մլն ֆունտ աշխատեր: Պայմանագիրը 5 և կես տարվա համար կնքվեց:
Փետրվարի 6-ին Տորրեսը առաջին անգամ խաղաց նոր թիմի մարզաշապիկով... մրցակիցը «Լիվերպուլն» էր:
2012թ. Եվրոպայի առաջնությանը Տորրեսը ճանաչվեց առաջնության լավագույն ռմբարկուն: