на Русском
4 օրում քարտեզ են հրապարակել՝ նշանակում է նախ... 
Վնասներ Երևանում՝ քամու հետևանքով
Ցավում եմ, որ Արմեն Սարգսյանը հրաժարականը տվել է դրսից. Կարող են լինել նոր փաստաթղթեր, որոնցից ինքը խուսափում է.Օհանյան
Ես վերջին ժամանակահատվածում նախագահի ինստիտուտի գործունեությունը որեւիցե կերպ չեմ կարող համադրել մեր պետականության ամրապնդման եւ դրա շուրջ ընթացող որեւէ գործընթացի հետ, եւ չեմ կարող ասել, որ նախագահի ինտիտուտը որեւէ գործունեություն է ծավալել: Այս մասին, այսօր՝ հունվարի 24-ին, ԱԺ-ում լրագրողների հետ զրույցում նշեց ԱԺ «Հայաստան» խմբակցության ղեկավար, պաշտպանության նախկին նխարար Սեյրան Օհանյանը՝ անդրադառնալով ՀՀ նախագահ Արմեն Սարգսյանի հրաժարականին:
«Ես ցավում եմ, որ Արմեն Սարգսյանը իր հրաժարականը տվել է դրսից: Չգիտեմ՝ ինչն է պատճառ եղել: Ինքը կարծես, որեւէ առողջական խնդիր չունի, կամ եթե ունի, ինքը պետք է բացատրի դրա մասին:
Այսօրվա մեր Սահմանադրությունը թույլ է տալիս, որ երկրի գլուխն իր պարտականությունները կատարի: Եթե ինքը ապացուցելու խնդիր ունի վերաբերվող հայ ժողովրդի ապագային, ինքը ընդհակառակը, պետք է լինի այստեղ, շարունակի իր գործունեությունը եւ ապացուցի եւ ընթացք տա, թե ինչ նպատակներ ունի:
Ես կարծում եմ, որ այն իրադարձությունները, որոնք տեղի են ունեցել ՀՀ-ում վերջին տարիների ընթացքում, եւ նաեւ ՀՀ նախագահի անգործունեության եւ լուռ համաձայնության արդյունք են»,-հայտարարեց Սեյրան Օհանյանը:
Նա համոզմունք հայտեց, որ Արմեն Սարգսյանն իր կարողություններով ու գիտելիքներով հնարավորություն ուներ ուսումնասիրել մեր Սահմանադրությունը եւ իր պատականությունները կատարել. «Սա նշանակում է, որ կամ նա ունեցել է պայմանավորվածություններ ներկայիս իշխանությունների հետ, կամ կարող է պատահի առերեւույթ ճնշումներ են եղել, կամ էլ իր պատականությունները պարզապես չի կատարել, թերացել է»,-ընդգծեց նա:
Սեյարն Օհանյանը կարծիք հայտնեց, որ ՀՀ նախագահի հրաժարականի եւ ներքաղաքական, եւ աշխարհաքաղաքական պայմաններ կարող են լինել. «Կարող են լինել նոր փաստաթղթեր, որոնցից ինքը խուսափում է»:
