Ադրբեջանական գերությունից վերադարձած Արտյոմ Մանասյանի եւ մյուսների գործով նախաքննությունն ավարտվել է
Ադրբեջանական գերությունից վերադարձած եւ կալանավորված Արտյոմ Մանասյանի եւ մյուսների գործով նախաքննությունն ավարտվել է։ Այս մասին տեղեկացրել է նրա փաստաբան Ալեքսան Թումասյանը։
Նա նշեց, որ գործն այս պահին դատախազությունում է, սակայն դատարան ուղարկելու մասին տեղեկություն դեռեւս չունեն։
Փաստաբանի խոսքով՝ Արտյոմ Մանասյանն իրեն առաջադրված մեղադրանքը չի ընդունում։
Նշենք, որ նա մեղադրվում է ՀՀ ՔՕ 365-րդ հոդվածի 3-րդ մասի (մարտական ծառայության կանոնները խախտելու համար) հատկանիշներով։