Վրաստանում կորոնավիրուսով վարակվածների թիվն ավելացել է 3562-ով
Վրաստանում վերջին մեկ օրվա ընթացքում կորոնավիրուսով վարակվածների թիվն ավելացել է 3562-ով, մահացել է 63 մարդ։
Երկրում համավարակի սկզբից մինչ օրս հայտնաբերվել է վարակման 879 368 դեպք, ասվում է StopCov պաշտոնական կայքում։
Միաժամանակ, վերջին 24 ժամվա ընթացքում բուժվել է 4145 մարդ, համավարակի սկզբից՝ 822108-ը, մահացել է 12582 մարդ։
Օրվա ընթացքում կատարվել է 54470 թեստ, որից 31693-ը՝ հակագենի, 18777-ը՝ ՊՇՌ:
Վարակվածների մասնաբաժինը թեստավորվածների ընդհանուր թվից՝ օրական՝ 7.06 տոկոս, վերջին 14 օրվա ընթացքում՝ 8.22 տոկոս, վերջին յոթ օրվա ընթացքում՝ 7.91 տոկոս։
Այս պահի դրությամբ Վրաստանում կորոնավիրուսի դեմ 2 276 478 պատվաստում է կատարվել, որից 10 660-ը՝ վերջին 24 ժամում։
40 մարդ այս պահին կարանտինում է, 6286-ը հիվանդանոցներում, 1178-ը` covid հյուրանոցներում։
Վրաստանում կորոնավիրուսով վարակման առաջին դեպքը գրանցվել է 2020 թվականի փետրվարի 26-ին։