Բենքսին 13 միլիոն դոլար կնվիրաբերի Ռեդինգի բանտն արվեստի կենտրոնի վերածելու համար
Բրիտանացի սթրիթ արտիստ Բենքսին մտադիր է 10 միլիոն ֆունտ (13.2 միլիոն դոլար ներկայիս փոխարժեքով) նվիրաբերել նախկին Ռեդինգ բանտը (Բերքշիր, Անգլիա) ժամանակակից արվեստի կենտրոնի վերածելու համար: Ըստ The Sunday Times-ի՝ Բենքսիի կողմից բանտի պատին գրաֆիտի ստեղծելու համար օգտագործված տրաֆարետի վաճառքից ստացված հասույթը, որին բրիտանացի բանաստեղծ եւ դրամատուրգ Օսկար Ուայլդը (1854-1900) բանաստեղծություն է նվիրել, կուղղվեն այդ նպատակներին, փոխանցում է ՏԱՍՍ-ը:
«Ռեդինգն ինձ շատ քիչ էր հետաքրքրում մինչ այն պահը, երբ ես չեղարկված գնացքի ուղեւորներին տեղափոխող ավտոբուսով անցա բանտի կողքով։ Հաճախ չես տեսնի 500 մետր երկարությամբ մակերես հենց քաղաքի կենտրոնում, որը, կարծես, սպասում է ներկի, այնպես որ ես բառացիորեն մագլցեցի մեկ այլ ուղեւորի վրայով՝ ավելի մոտիկից տեսնելու համար,- ասել է Բենքսին, որին մեջբերում The Sunday Times-ը:- Դեռ չհասկանալով, թե ինչ եմ կոնկրետ տեսնում, ինքս ինձ խոստացա, որ անպայման ինչ-որ բան կնկարեմ այս պատին։ Այդպես, այժմ ես այս վայրի մեծ երկրպագուն եմ: Օսկար Ուայլդը բոլորի երկնային հովանավորն է, ով իրար է բախում երկու հակադիր երեւույթներ՝ ինչ-որ կախարդական բան ստանալու համար: Նրան ոչնչացրած վայրը արվեստի արգելոցի վերածելու գաղափարն այնքան լավն է, որ մենք պետք է դա անենք»։
Տրաֆարետը, որն այժմ ցուցադրվում է Բենքսիի հայրենի քաղաք Բրիստոլի արվեստի պատկերասրահում, նախատեսվում է վաճառել շահագրգիռ կոլեկցիոներին մինչեւ 15 միլիոն ֆունտ ստեռլինգով (մոտ 20 միլիոն դոլար)՝ առանց աճուրդի: Պարբերականը նշում է, որ գրաֆիտիի վարպետի կողմից օգտագործվող տրաֆարետները բացառիկ հազվադեպություն են, հայտնի է դրանցից մեկի վաճառքի միայն մեկ դեպք, ինչը բացատրում է իրի բացառապես բարձր գնահատված արժեքը։ Բենքսիի աշխատանքի համար երբեւէ հավաքված առավելագույն գումարը կազմում է 18.6 միլիոն ֆունտ (25.4 միլիոն դոլար): Հենց այդքան են նրանք հոկտեմբերին վճարել «Սերը աղբամանում» նկարի համար, որը համաշխարհային համբավ ձեռք բերեց այն բանից հետո, երբ աճուրդի ժամանակ գրեթե ոչնչացվեց շրեդերի կողմից, որը հեղինակն ինքն էր գաղտնի տեղադրել հենց նկարի շրջանակում։