Գիտնականները պարզել են հնագույն Կոլումբիա գերմայրցամաքի փլուզման ժամանակը
Ռուսաստանի եւ Ավստրալիայի մասնագետները Յակուտիայի Սեթ-Դաբան լեռնաշղթայի վրա ուսումնասիրել են մագմատիկ մարմին եւ եկել են այն եզրակացության, որ Կոլումբիա գերմայրցամաքի փլուզումը սկսվել է մոտ 1,4 միլիարդ տարի առաջ: Այս մասին գրում է «Աշխարհի շուրջը» ճանաչողական պորտալը։
Երկրի պատմության մեջ 1,9–0,9 միլիարդ տարի առաջ ընկած ժամանակահատվածը գրականության մեջ կոչվում է «ձանձրալի միլիարդ»՝ մոլորակի հարաբերական տեկտոնական անդորրի պատճառով։ Հենց այդ ժամանակաշրջանում է Կոլումբիա գերմայրցամաքը բաժանվել, եւ ձեւավորվել է Ռոդինիա գերմայրցամաքը։ Սիբիրի արեւելյան հատվածից ստացված ապացույցները ցույց են տալիս, որ Կոլումբիայի փլուզումը կարող էր տեղի ունենալ շատ ավելի վաղ, քան ենթադրվում էր:
Հետազոտողները եկել են այն եզրակացության, որ մոտ 1,4 միլիարդ տարի առաջ գոյություն է ունեցել խոշոր գավառ, որտեղ հրաբուխ է ժայթքել: Բազալտե մագմայով պատված այս տարածքը ներառել է Սիբիրի հյուսիսային եւ արեւելյան մասերը եւ, հնարավոր է, տարածվել է Բալթիկայի արեւմտյան հատվածում։ Այն կարող էր մայրցամաքների հանգույցում հորիզոնական ընդլայնման (ռիֆթոգենեզի) գործընթացներ հրահրել եւ դառնալ 1,6-1 միլիարդ տարի առաջ Սիբիրից Բալթիկայի հետագա բաժանման պատճառը: Հետագայում դա հանգեցրել է այն ժամանակ գոյություն ունեցող Կոլումբիա գերմայրցամաքի բաժանմանը: