Շուրջ 20 քաղաքացի բերման է ենթարկվել. նրանցից մեկին տեղափոխող ոստիկանական մեքենան վթարի է ենթարկվել. Մանուկյան
Շուրջ երկու տասնյակի ավելի մեր քաղաքացիներին բերման են ենթարկվել ոստիկանության բաժիններ: Այս մասին այսօր՝ նոյեմբերի 11-ին, կառավարության դիմաց հանրահավաքին հայտարարեց ԱԺ «Հայաստան» խմբակցության պատգամավոր, ՀՅԴ անդամ Գեղամ Մանուկյանը:
«Ահազանգ ունենք ոստիկանության կենտրոնականի բաժնից, որ նախկին ազատամարտիկ մեր ընկերներից մեկի ինքնազգացողությունն է վատացել: Նրան տեղափոխող ոստիկանական մեքենան վթարի է ենթարկվել, որից հետո ինքնազգացողությունը վատացել է:
Հիմա պատգամավորները շտապ կարգով մեկնելու են բաժիններ՝ իրավական աջակցություն ցուցաբերելու, որովհետեւ արդեն ավանդույթ է դարձել կեղծ ոստիկանական զեկուցագրերի հիման վրա հարյուրավոր մեր քաղաքացիներ բերման են ենթարկվում եւ ոստիկանները զբաղված են Նիկոլի համար ոստիկանական տեռոր իրականացնել ողջ երկրով մեկ: Էլ չասեմ, որ տասնյակ մեր քաղաքացիների վրա կարվել են քրգործեր եւ որոշները արդեն հայտնվելու են դատարաններում»,-ասաց նա:
Ավելի վաղ հայտնել էինք, որ երեկ ԱԽ քարտուղար Արմեն Գրիգորյանը «Հանրային» ՀԸ եթերում հայտարարեց, որ ադրբեջանական կողմը հայկական կողմին տեղեկացրել է, որ Գորիս-Կապան ճանապարհի հատվածում կտեղադրի մաքսակետեր։
Operativ լրատվականը քիչ առաջ նշեց նաև, որ այսօր առավոտյան ընդդիմությունը բողոքի ակցիա է կազմակերպել կառավարության շենքի մոտ: Այդ ընթացքում ընդդիմադիր պատգամավորները փորձել էին մուտք գործել կառավարության շենք, սակայն ոստիկանները թույլ չէի տվել, հրմշտոց էր սկսվել, որից հետո ոստիկանները սկսել էին բերման ենթարկել ակցիայի մասնակիցներին: