Տղամարդու երեք տիպ, որոնցից պետք է զգուշանալ. Կոնֆուցիոսի իմաստուն մտքերը կանանց համար

Ընտրությունը կատարեք նրա օգտին, ում հետ կարող եք ապահով անցնել կյանքն իր ուրախություններով և դժվարություններով: Կանայք կարծում են, որ պետք է ընտրել նրան, ով մյուսներից լավն է, բայց նման մոտեցումը միշտ չէ, որ ճիշտ է. պետք է ընտրել նրան, ով համապատասխանում է:

Հին մտածող և փիլիսոփա Կոնֆուցիոսը խոսում էր այն մարդկանց մասին, որոնցից պետք է խուսափել: Խորհուրդներ, որոնք պետք կգան կանանց:

Առաջին տիպ

«Զգուշացեք նրանցից, ովքեր փորձում են Ձեզ ներշնչել, որ Դուք մեղավոր եք, քանի որ նրանք փափագում են իշխանություն ունենալ Ձեր վրա»:

Կա նման արտահայտություն՝ «Նրա համար, ով դժգոհ է կյանքից, բոլորը մեղավոր են»: Ձեզ հարկավո՞ր է մեկը, որ իր կյանքից դժգոհ է: Նա Ձերն էլ ավելի լավը չի դարձնի:

Երկրորդ տիպ

«Ուժեղ մարդը պահանջներ է ներկայացնում իրեն, թույլ մարդը պահանջներ է ներկայացնում ուրիշներին»:

Սիրող տղամարդը պահանջներ չի ունենում Ձեր արտաքին տեսքի կամ քաշի վերաբերյալ: Նրան ամեն ինչ դուր է գալիս, ավելին, նրան ամեն ինչ հիացնում է:

Երրորդ տիպ

«Զգուշացիր նրանցից, ովքեր ոչնչի դիմաց ինչ-որ բան են խոստանում»:

Եթե ​​Ձեր տղամարդը շատ է խոսում, բայց քիչ է գործում, ապա, ամենայն հավանականությամբ, նրա հետ Ձեր կյանքը ոչ մի դրական առաջընթաց չի ունենա: