Սաակաշվիլիի կուսակցությունը հայտարարել է Վրաստանում լայնածավալ ցույցերի մասին

Վրաստանի ամենամեծ ընդդիմադիր կուսակցությունը՝ «Միացյալ ազգային շարժում»-ը, որը ստեղծվել է նախկին նախագահ Միխեիլ Սաակաշվիլիի կողմից, լայնածավալ բողոքի ակցիաներ է հայտարարել Թբիլիսիում, գրում է sputnik-georgia.ru-ն:

Կուսակցության անդամ, Վրաստանի խորհրդարանի պատգամավոր Լևան Խաբեիշվիլին լրագրողներին ասել է, որ ցուցարարների հիմնական պահանջը կլինի Սաակաշվիլիին ազատ արձակելը և արտահերթ խորհրդարանական ընտրությունների նշանակումը:

«Մենք պատրաստվում ենք ընտրությունների երկրորդ փուլին, և ընտրություններից առաջ կլինեն լայնածավալ ակցիաներ ... Մենք անպայման կշարունակենք պայքարը: Ուզում եմ ասել, որ մոտ ապագայում շատ մեծ ակցիա է լինելու Թբիլիսիում: Դրանք կլինինեն նաև ամբողջ Վրաստանում ... Մենք նաև կպատրաստվենք երկրորդ փուլին, որում մենք անպայման կձևակերպենք հաղթանակը», - լրագրողներին ասել է Խաբեիշվիլին:

Վրաստանի երրորդ նախագահը ձերբակալվել էր Վրաստանի իշխանությունների կողմից հոկտեմբերի 1-ին. նա հայրենիք էր վերադարձել ՏԻՄ ընտրությունների նախօրեին: Նույն օրը Սաակաշվիլին հացադուլ է հայտարարել:

Սաակաշվիլին Վրաստանի նախագահն էր 2004 թվականի հունվարից մինչև 2013 թվականի նոյեմբեր: 2013 թվականին նա լքել է երկիրը նախագահական լիազորությունների ավարտից մի քանի օր առաջ: Դրանից անմիջապես հետո նրա դեմ հարուցվել է չորս քրեական գործ, որոնցից երկուսով արդեն կան վճիռներ: 2018 թվականի հունվարին Թբիլիսիի քաղաքային դատարանը Սաակաշվիլիին հեռակա կարգով դատապարտել է երեք տարվա ազատազրկման 2006 թվականին Վրաստանի Միացյալ բանկի աշխատակից Սանդրո Գիրգվլիանիի սպանության համար: 2018 թվականի հունիսի 28-ին դատարանը նրան դատապարտել է վեց տարվա ազատազրկման՝ 2005 թվականին պատգամավոր Վալերի Գելաշվիլիի ծեծի գործով:

Ներկայում Սաակաշվիլին ապրում է Կիևում և զբաղեցնում է Ուկրաինայի բարեփոխումների խորհրդի գործադիր կոմիտեի նախագահի պաշտոնը: