Պալմյան կղզիների ափերի մոտ հայտնաբերվել է Մեծ պատնեշային խութի ամենահսկա մարջանը

Ծովային բնապահպանները Պալմյան կղզիների ափերի մոտ հայտնաբերել են Մեծ պատնեշային խութի ամենահսկա մարջանը: Դրա լայնությունը 10.4 մետր է, հաղորդում է HighTech- ը:

Մարջանն անվանվել է Muga dhambi, որը մանբարա տեղի ժողովրդի լեզվից թարգմանվում է որպես «մեծ մարջան»: Ըստ բնապահպանների` գտածոն ավելի քան 400 տարեկան է:

«Porites մեծ մարջանները Գուլբուդի կղզում (Օրփեոս) չափազանց հազվադեպ են եւ դիմացկուն»,- գրել են Ջեյմս Կուկի համալսարանի ծովային բնապահպան Ադամ Սմիթը եւ նրա գործընկերները: «Այն դիմացել է մարջանների գունաթափմանը, ինվազիվ միջամտություններին, ցիկլոններին, մակընթացություններին եւ մարդկային գործունեությանն ավելի քան 400 տարուն»:

Հայտնաբերված սպունգները հաճախ հանդիպում են մարջանների կոշտ կողմում, որտեղ նրանք ավելի ուժեղ հոսանքների են ենթարկվում եւ հեշտացնում են ջրի զտումը բակտերիաների եւ այլ միկրոբների համար: Ճիշտ է, հենց սպունգներն են նպաստում մարջանի ոչնչացմանը: Բացի այդ, մարջանային հյուսվածքի մի մասը կարող է մահանալ արեւի եւ տաք ջրի ազդեցությունից:

Գիտնականները նաեւ մարջանի կառուցվածքում գրանցված բարձր խտության «սթրեսային բծեր» են հայտնաբերել, որոնք թվագրվում են մոտավորապես 1877 թվականով: Նման բծերը շատ ավելի հաճախ են հայտնվում մարդածին գլոբալ տաքացման պատճառով: Բայց մարջանների համայնքը շատ դիմացկուն է. այն իր գոյության ընթացքում դիմադրել է գրեթե 100 գունաթափման եւ մինչեւ 80 խոշոր ցիկլոնների, ինչպես նաեւ` ջրի որակի վատթարացմանը: