Տվյալ պահին այս պատերազմական գործողությունները ասես բեմադրություն են, բայց ցավը և ողբերգությունն այն է, որ մեր երեխաներն են զոհվում․ Աբրահամ Գասպարյան (տեսանյութ)
Սահմանին ստեղծված անվտանգային իրողությունների քննարկման ու վերլուծության նպատակով «Ջենեսիս Արմենիա» ուղեղային կենտրոնում տեղի է ունեցել քննարկում, որին մասնակցել են փորձագետներ Աբրահամ Գասպարյանը, Տիգրան Քոչարյանը, Նաիրի Հոխիկյանը, Սուրեն Պետրոսյանը։
Աբրահամ Գասպարյանը նկատեց, որ ՀՀ գործող իշխանությունը բերեց պատերազմի։ «Մենք հիմա ասում ենք որ մենք իշխանությունում ունենք խաղաղության կուսակցության կամ քաղաքական ուժի, բայց մենք տեսնում ենք հակառակը, մենք ունենք շատ ավելի լայնամասշտաբ պատերազմ բերող իշխանություն, բայց մյուս կողմից չերևացող, բայց վստահ եմ, կա՝ Հայաստան-Թուրքիա պայմանավորվածություններ»»,-ասաց նա և նշեց, որ Շուշին հանձնվեց, որովհետև Նիկոլ Փաշինյանը խոստացել էր թուրքերին։
Չնայած դրան՝ Աբրահամ Գասպարյանն ասաց, որ բացառում է լայնամասշտաբ պատերազմի հնարավորությունը։ «Տվյալ պահին այս պատերազմական գործողությունները ասես բեմադրություն են, բայց ցավը և ողբերգությունն այն է, որ մեր երեխաներն են զոհվում»,–ասաց նա։
Աբրահամ Գասպարյանը նկատեց, որ մարզերում կարմիր թելով գնում է այն միտքը, որ ամեն ինչում Ռուսաստանն է մեղավոր, երեք տարի դա էր ներարկվում։ «Անկեղծ ասած ինձ համար նշանակություն չունի Ռուսաստան կլինի, Պողոս, Պետրոս, իմ պետական շահը գերակա է բոլորի ու ամենքի նկատմամբ, բայց մարդիկ այսօր կանգնում, ասում են, որ սահմանային միջադեպերի պատասխանատուն անձամբ Պուտինն է, Հայաստանի նախկին բոլոր իշխանությունները»,–ասաց նա։
Մեդիափորձագետ Նաիրի Հոխիկյանը նշեց, որ հասարակության վիճակը, մեղմ ասած, այսօր նախանձելի չէ, քանի որ անընդհատ մեդիագրոհի են ենթարկվում, և իրենք պետք է ներկայացնեն, թե ինչ է այս ամենը նշանակում, ինչ է ուզում Ադրբեջանը։ «Արդյոք մեր հասարակությունը գիտի, որ Ադրբեջանը 2020 թվականին կորցրել է տանկային գումարտակի կազմի ավելի քան 75 տոկոսը, ծավալային զենքի 65 տոկոսից ավելին, արդյոք մեր հասարակությունը գիտի, որ իր բանակի առնվազն 11 տոկոս զոհվել է, դա հսկայական կորուստ է և արդյոք կարող էր մի քանի ամսում դա վերականգնել, չի կարող։ Բայց Հայաստանի իշխանությանը հասարակությանը անընդհատ տեղեկատվական տեռորի է ենթարկում, վախեցնում է։ Հասարակությունը հենց մեր միջոցով պետք է կարողանա ուղղել մեջքը՝ հանուն պետականության»,-ասաց նա։
Մեդիափորձագետ Տիգրան Քոչարյանը նշեց, որ շատ վտանգավոր պահ է և ինքը չի հավատում մեր ՊՆ-ի ասածներին, քանի որ նույն մարդիկ են շարունակում տեղակատվական հոսքերը ապահովել։ Նա նշեց, որ ասել թիվ և չասել անուն ագանունները անբարոյականություն է, քանի որ դա այնտեղ ծառայողների ծնողներին կարող է մահվան դուռ հասցնել։ «Ժամանակին Ադրբեջանը իր մարտական զոհերին վթարի զոհ էր ներկայացնում»,–ասաց նա և հորդորեց Պաշտպանության նախարարությանը այդ ոճով չաշխատեն։
«Մենք շատ փոքր ենք, ոչ նավթ, գազ ունենք, որ արտաքին աշխարհին հետաքրքրենք, մենք հետաքրքրիր ենք այնքանով, որ այստեղ պատնեշ ենք նեոօսմանիզմի և պանթուրքիզմի տարածման համար, հիմա եթե այստեղ պրոթուրքական իշխանությունը ընտրում է թուրքացման ճանապարհը, ապա այստեղ էլ հետաքրքիր չենք լինելու»,–ասաց նա։