Լաքոտը խոսում էր այն մասին, որ հակադրելով Ֆրանսիայի ակտիվությունը Ռուսաստանի շահերին՝ ավելի շատ խնդիրներ կստանանք Ֆրանսիայի և Հայաստանի համար. Հակոբ Բադալյան. Armdaily
Հայաստանում Ֆրանսիայի դեսպան Ջոնաթան Լաքոտը հայտարարել էր, որ Ֆրանսիան կդիտարկի պաշտպանության ոլորտում Հայաստանի հայտը։
ArmDaily.am-ի հետ զրույցում քաղաքական մեկնաբան Հակոբ Բադալյանն ասել է, որ դեսպանն իր խոսքում նաև ասել էր որ իրենց խնդիրը խաղաղության աջակցությունն է, ոչ թե պատերազմի, դրանով ակնարկելով, որ Ֆրանսիայի ռազմատեխնիկական աջակցության հնարավորությունները կամ հեռանկարները պետք չէ գերագնահատել և չափազանցնել։ «Եթե խոսում ենք պաշտպանական ոլորտի մասին, ապա այստեղ գործակցության եզրերը կարող են լինել ամենատարբեր և այստեղ շատ ավելի հեռանկարային կլինի, եթե Հայաստանը դիտարկի Ֆրանսիայի հետ ռազմարդյունաբերության ոլորտում հեռանկարային ծրագրեր մշակելու և նախապատրաստելու նախադրյալներ և հիմքեր ստեղծելու հնարավորություն կամ գործընթաց։
Այս տեսանկյունից Ֆրանսիայի դեսպանը հակառակին միտված հարցազրույց տվեց, որ պետք չէ չափազանցված սպասումներ ունենալ, որպեսզի հետագայում չլինի ավելորդ հիասթափություն, որպեսզի այդ չափազանցված սպասումների ֆոնին ավելի ակտիվ և արդյունավետ չաշխատեն այն խմբերը, որոնք նպատակ ունեն առաջացնել հիասթափություններ հայ-ֆրանսիական հեռանկարների հանդեպ»։ Նա ընդգծեց, որ երբ խոսում ենք այլընտրանքի մասին՝ շատ բազմաշերտ մի երևույթ ենք փորձում գնահատել, որը կարծում եմ այդքան էլ ճիշտ չէ։ «Երբ մենք խոսում ենք հայկական բանակի համար սպառազինական գործուն այլընտրանքի մասին, ապա դա մի շարք պատճառներով այս պահին իրատեսական չէ։
Հետևաբար, այս պահին մտածել այդպիսի անցումների մասին կլինի՝ չափազանցություն, որն ավելի շատ խնդիրներ կառաջացնի, քան կօգնի լուծել հենց այդ այլընտրանքի կարևոր հարցը։
Այսինքն, Ֆրանսիայի դեսպանի ողջ հարցազրույցը, երբ նայում ենք և ընթերցում ենք՝ միտված էր դրան, որ իռացիոնալ և չափազանցված սպասումներն ավելի վնաս են հասցնելու առաջին հերթին Ֆրանսիայի դերակատարությանը և հայ -ֆրանսիական հարաբերությունների հեռանկարին, քան օգնելու են Հայաստանի համար հենց այդ կարևորագույն այլընտրանքի ռազմավարական խնդիրները լուծելուն։
Ինչ վերաբերում է բուն այլընտրանքին, ապա իհարկե այս ուղղությամբ պետք է աշխատել և հենց դրա համար եմ նշում, որ այդ չափազանցված սպասումների փոխարեն հանգիստ և հանդարտ, առանց ավելորդ աղմուկի ու ավելորդ աժիոտաժի փորձել Ֆրանսիայի հետ իրատեսական հողի վրա գցել ավելի խորքային գործակցության և այդ խորքից այլընտրանքը պատրաստելու հեռանկարները և հիմքերը։ Մեծ հաշվով՝ Ֆրանսիայի մեսիջը հենց սրա մասին էր և նաև հետևյալի մասին, որ հակադրելով Ֆրանսիայի ակտիվությունը և դերը Ռուսաստանի շահերին՝ կամա, թե ակամա ուզելով, թե չուզելով, շատերը սա անում են ակամայից ուզենալով, թե չուզելով, ակամայից կամ լավագույն մղումներից ելնելով, շատերը սա անում են դիտավորյալ, հենց այդ հակադրությունը ստեղծելու և այդ հակադրությամբ հայ-ֆրանսիական հարաբերության խնդիրներ առաջացնելու համար։ Ֆրանսիայի դեսպանը հենց դրա մասին էր խոսում, որ հակադրելով Ֆրանսայի ակտիվությունը և հնարավորությունները Ռուսաստանի շահերին՝ մենք ավելի շատ խնդիրներ կստանանք նաև ֆրանսիայի համար, Հայաստանի համար, քան խնդիրների լուծումներ։ Կարծում եմ, սա էր Ֆրանսիայի դեսպանի մեսիջը, որ փոխանցվում էր Հայաստանի հանրությանը»։
Առավել մանրամասն՝ սկզբնաղբյուրում: