ԵՄ-ում սկսվել է «Քովիդ-19»-ի դեմ ֆրանսիական պատվաստանյութի փորձաքննությունը
Դեղամիջոցների վերահսկման եվրոպական գործակալությունը (EMA) երեքշաբթի սկսել է աստիճանական փորձաքննության ենթարկել ֆրանսիական Sanofi Pasteur ընկերության Vidprevtyn հակակորոնավիրուսային պատվաստանյութը:
Ինչպես փոխանցում է «ՌԻԱ Նովոստի»-ն՝ հղում անելով եվրոպական վերահսկիչ մարմնին, փորձաքննություն սկսելու որոշումը հիմնված է լաբորատոր հետազոտությունների և նախնական կլինիկական հետազոտությունների արդյունքների հիման վրա:
EMA-ն գնահատումներ կիրականացնի, մինչև դեղամիջոցը գրանցելու համար անհրաժեշտ բավականաչափ ապացույց հավաքելը: ԵՄ-ում պարզաբանել են, որ պատվաստանյութը կուսումնասիրվի արդյունավետության, անվտանգության և որակի ԵՄ չափանիշների համաձայն:
Ներկա պահին եվրոպական մարմինն ուսումնասիրում է 4 այլ պատվաստանյութեր՝ չինական Sinovac-ը, գերմանական CureVac-ը, ամերիկյան Novavax-ը և ռուսական «Սպուտնիկ V»-ն:
ԵՄ-ում այս պահին հաստատվել են ամերիկա-գերմանական Pfizer/BioNTech, ամերիկյան Moderna և Johnson&Johnson, անգլո-շվեդական AstraZeneca ընկերությունների պատվաստանյութերը: