ԵՄ-ն դատական հայց է ներկայացնում Լեհաստանի եւ Հունգարիայի դեմ «սեռական փոքրամասնությունների խտրականության համար»
Եվրահանձնաժողովը պաշտոնապես տեղեկացրել է Հունգարիայի եւ Լեհաստանի կառավարություններին, որ նրանց դատ է սպասվում «սեռական փոքրամասնությունների նկատմամբ խտրականության համար»:
Եվրահանձնաժողովը համարում է, որ այդպիսի խտրականություն է Հունգարիայի դպրոցներում միասեռականության եւ սեռի փոփոխության վերաբերյալ տեղեկատվության արգելքի մասին ընդունված օրենքը:
Լեհաստանի կառավարության նկատմամբ պահանջները վերաբերում են դրա անգործությանն այն հարցում, որ քաղաքներն ու շրջանները միացել են ավանդական ընտանիքների պաշտպանության խարտիաներին եւ փոխազդում են ԼԳԲՏ գաղափարախոսության հետ:
«Եվրոպան երբեք թույլ չի տա պիտակավորել մեր հասարակության առանձին մասերին նրանց նախասիրությունների, նրանց տարիքի, էթնիկ պատկանելիության, քաղաքական հայացքների կամ կրոնական համոզմունքների համար»,-հայտարարել է Եվրահանձնաժողովի ղեկավար Ուրսուլա ֆոն դեր Լյայենը:
Եվրահանձնաժողովը դեռեւս միայն պաշտոնական ծանուցում նամակ է ուղարկել Բուդապեշտին ու Վարշավային, սակայն դա գործընթացի սկիզբն է, որն արդյունքում պետք է հանգեցնի Եվրոպական դատարանում գործի քննմանը: