Տասը մետրով ջրանցքը վթարված է. «Ջրառ»-ի գլխավոր ինժեներ Աղվան Բեգլարյանը հանդիպել է բողոքող արմավիրցիների հետ
Ինչպես արդեն նշել էինք, այսօր Արմավիրի մարզի մի շարք բնակիչներ բողոքի ակցիա են իրականացրել Երևան-Արմավիր ավտոճանապարհին։ Պատճառը ոռոգման ջրի բացակայություն է։ Բնակիչները, որոնք զբաղվում են հողագործությամբ, նշում էին՝ ոռոգման ջրի բացակայության պատճառով չորանում է բանջարեղենը և միրգը, և իրենք ֆինանսական մեծ վնասներ են կրում։
Բնակիչները նշում էին, որ ՋՕԸ-ն պետք է գործի, սակայն այնպես չէ, որ ամբողջ պատասխանատվությունն այդ կառույցի վրա է:
Քաղաքացիների հետ հանդիպած «Ջրառ»-ի գլխավոր ինժեներ Աղվան Բեգլարյանը նշեց, որ եկել է ասելու՝ տասը մետրով ջրանցքը վթարված է: «Մարդկանց տները, մանկապարտեզները ջուր է լցվում, վերանորոգում ենք, ես դրա համար եմ եկել, ամբողջ գիշեր աշխատել ենք, աշխատանքները կվերջացնենք, ձեր ջուրը կտանք»:
Բնակիչներից մեկը նշեց, որ եթե խնդիրն այդքան հեշտ էր լուծելը, ապա ինչու մեկ շաբաթ ջուր չկար: «Հիմա, որ ջուր չեք տալիս, մարդիկ չեն էլ կարողանում հաց առնել, ջուր տվեք, կարո՞ղ է եկել ասում ենք՝ փող տվեք»:
Բեգլարյանն ասաց, որ քաղաքացիները սխալ են ներկայացնում իրավիճակը և ջուրն ընդամենը երեք օր է, ինչ չկա, սակայն բնակիչները պնդում են, որ սա հեքիաթ է, քանի որ եթե խնդիրը երեք օրվա լիներ, ապա այսօր դեռ որոշ չափով ջուր կլիներ:
Բեգլարյանի խոսքով՝ ջրանցքը կկարգավորվի հաշված ժամեր անց և ջուրն անմիջապես կհասնի ժողովրդին:
Նշենք, որ ավելի ուշ ոստիկանները քաղաքացներին հորդորեցին բացել ճանապարհը, վերջիններս դուրս եկան ավտոճանապարհից և դուրս բերեցին մեքենաները, սակայն նշեցին, որ ՋՕԸ և «Ջրառ»-ի ներկայացուցիչները պետք է այցելեն և տեսնեն, որ հողատարածքն ամբողջովին չոր է:
Մանրամասները՝ տեսանյութում։
Արդեն 6 օր է ոռոհման ջուր չկա Էջմիածնի տարածաշրջանի ավելի քան 10 գյուղերում
80 տարեկան մերս չոքեչոք գործ ա արել վրեն, ո՞վ ա դրա պատասխանը տալու. արմավիրցի
«Սևանա լճից ջուր ենք բաց թողել. առավոտյան էստեղ ջուր կլինի». Ջրառի աշխատակիցը՝ ակցիա անող քաղաքացուն
Եթե էդքան տղա ես. հել արի ստեղ, արա, քեզ ենք ընտրել, խի՞ ես ոստիկան ուղարկել. արմավիրցին՝ Պապիկյանին
Վարչապետը եկավ, ելույթ ունեցավ, թե ջրի խնդիր չեք ունենա, գնաց, ջուրը լրիվ կտրին. արմավիրցի