Ռոբերտ Քոչարյան. ՀԱԷԿ-ի կյանքը պետք է երկարացվի
Կանենք ամեն ինչ՝ «Մեծամորի» ԱԷԿ-ի կյանքը երկարացնելու համար: Այս մասին Մեծամորի բնակիչների հետ հանդիպման ժամանակ հայտարարել է վարչապետի թեկնածու, «Հայաստան» դաշինքի առաջնորդ Ռոբերտ Քոչարյանը:
Նա հիշեցրեց, որ Հայաստանը պարտավորվել է փակել ատոմակայանը դեռեւս 95 թվականին, եւ Հրազդանի հինգերորդ բլոկը ֆինանսավորել է այդ պայմանով:
«Այդ ժամանակ ես դադարեցրեցի գործընթացը: Հինգերորդ բլոկը մենք պահեստավորել ենք չինացիների հետ: Հասել ենք ԵՄ-ի օրակարգից ԱԷԿ-ի փակման մասին օրակարգի հանման: Հնարավոր է, որ ԱԷԿ-ն արդեն փակված լիներ»,-հիշեցրեց Քոչարյանը:
Պատասխանելով նոր էներգաբլոկի կառուցման հնարավորության մասին հարցին՝ Քոչարյանը նշեց, որ ոչ ոք չի ներդնի կառուցման մեջ, եթե պարզ չլինի՝ ում են վաճառելու մշակված էլեկտրաէներգիան:
Նա հիշեցրեց, որ էլեկտրաէներգիայի արժեքն ավելի կլինի, քան ՀԱԷԿ-ինը:
«Գիտեմ, որ 7-8 տարի առաջ փորձում էին շինարարության մեջ ներգրավել Էռնեկյանին: Սակայն ոչ ոք չի կարող երաշխավորել, որ էլեկտրաէներգիան կվաճառվի: Այդ պատճառով մնաց խոսակցությունների մակարդակում»,-պարզաբանեց երկրորդ նախագահը: