Մենք պետք է պատժենք ոչ թե մուրճով, այդ մեթոդները շատ լավ գիտենք, այլ պատժենք քվեարկությամբ, մենք կապիկություններ չենք անում. Ռոբերտ Քոչարյանը երեկ Նիկոլ Փաշինյանի մուրճիկով թափահարելու մասին

Ինձ հարցնում են, բա պլան Բ չունե՞ք, ասում եմ՝ ոչ, պլան Բ-ն աշխատանքն է հունիսի 21-ից սկսած: Այս մասին ասել է ՀՀ երկրորդ նախագահ, «Հայաստան» դաշինքի ցուցակը գլխավորող Ռոբերտ Քոչարյանը իջևանցիների հետ հանդիպման ժամանակ:

Ռոբերտ Քոչարյանը յուրահատուկ համարեց այս ընտրությունները և նկատեց, որ այս իշխանությունը ոչինչ չի խոսում այն ժամանկահատվածի մասին, որի համար պատասխանատու է: Նա նաև այս վիճակը ունիկալ համարեց:

«Ամենից սարսափելին՝ նամուս, թասիբ ունեցող իշխանության համար այն է, որ մարդիկ կանգնեն ասեն բա էս ես խոստացել ու չես արել: Իշխանության ամբողջ իմաստը ծառայելն է ժողովրդին և պատասխանատվություն կրելը, առաջինը՝ դրա համար մենք այս իշխանությանը պետք է պատժենք ու պատժենք ոչ թե մուրճով, այդ մեթոդները շատ լավ գիտենք, այլ պատժենք քվեարկությամբ»,-ասաց նա և նշեց, որ գալիս են այս ամենը վերացնելու համար, պատասխանատու իշխանություն ձևավորելու համար, հանգստություն հաղորդելու համար:

«Մենք մուրճով, չգիտեմ ինչով բաներ չենք անում: Մենք կապիկություններ չենք անում»,-ասաց նա:

ՀՀ երկրորդ նախագահը նշեց, որ իրենք այն ուժն են, որը կարող է առկա խնդիրները լուծել, և հատկապես ինքը ունի այդ փորձառությունը և ևս մեկ անգամ կայացրել է այդ որոշումը: «Ես որևէ որոշում կիսատ-պռատ չեմ թողնում: Ես այն մարդկանցից եմ, որը Ղարաբաղի հատվածը հայկական բանակի ջոկատներից շատ արագ երկու ամսում ձևավորեցին կանոնավոր բանակ, իսկ այս իշխանությունը արեց ճիշտ հակառակը՝ կանոնավոր բանակից հետ գնաց դեպի 91, 92 թվի սկիզբ, և դա մեր պարտության հիմնական պատճառներից մեկն է»,-ասաց նա:

Ռոբերտ Քոչարյանը նշեց, որ պետական ապարատը չի աշխատում, կառավարման ճգնաժամ է: «Մարդու մասին մտածելու ներվը հանված է»,-ասաց նա և նշեց, որ գները աճում են, սակայն մարդկանց աշխատավարձը մնում է նույնը:

Ի դեպ Սևադա Ղուկասյանը, ով ավելի վաղ էշով ԱԺ-ի մոտ իրականացրել էր ակցիա, դիմելով ՀՀ երկրորդ նախագահին, ասաց, որ հավատում է Ռոբերտ Քոչարյանի ծրագրին: «Ես հավատում եմ դրան։ Ուղղակի մի խնդրանք ունեմ, երբ այս ամենն ավարտվի, մեր հաղթանակը դե յուրե գրանցվի, դրան մի քանի օրով ինձ տվեք էլի։ Խոստանում եմ հետո անվնաս հանձնել մեր իրավապահ մարմիններին։ Ուղղակի մեր ազգային ավանդույթը մի հատ վերականգնենք»,-ասաց նա՝ նկատի ունենալով Ռոբերտ Քոչարյանին:

«Էն էշին հո չե՞ն կալանավորել, ամեն ինչ լա՞վ է»,-հարցրեց Ռոբերտ Քոչարյանը: Նա նաև պատմեց, որ այսօր Բերդ քաղաքում Տեր հայրը մի հետաքրքիր բան ասաց՝ շաշը չի ամաչում, շաշի տերն է ամաչում:

Հիշեցնենք, երեկ Նիկոլ Փաշինյանը իր քարոզարշավի ընթացքում թափահարում էր մուրճիկով ու բոլորին սպառնում-վախեցնում:

ՔՊ կուսակցության վարչապետի թեկնածու Նիկոլ Փաշինյանի վարքագիծը անընդունելի և դատապարտելի է. փաստաբան

«Սա շատ կարևոր սիմվոլ ա. ում պետք ա հանել՝ հանել, ում պետք ա մխել՝ մխել». Նիկոլ Փաշինյանը՝ ձեռքի մուրճի մասին

Փաշինյանի երթի ժամանակ դիպուկահարներն անհանգիստ էին. նկատվեց զենքի շարժ. 168.am