Այնպիսի լիցքեր ենք ստանում ժողովրդի հետ շփումներից,որ համոզվում են՝ ճիշտ քայլ ենք արել․ Ռոբերտ Քոչարյան
«Այսօր ամբողջ օրը Կոտայքի մարզում հանդիպումների մեջ էի։ Թվում է,թե պետք է հոգնած գայի հասնեի Ձեզ մոտ։ Ոչ թե հոգնած եմ, այնպիսի լիցքեր ենք ստանում ժողովրդի հետ շփումներից,որ համոզվում են՝ ճիշտ քայլ ենք արել, ճիշտ ճանապարհի վրա ենք»,- ասաց Ռոբերտ Քոչարյանը ՝ Էրեբունի վարչական շրջանում ընթացող «Հայաստան» դաշինքի հանրահավաքի ժամանակ։
«Այստեղից կանգնեք , նայեք,թե որքան մարդ կա այստեղ հավաքված։ Այս մարդկանց վստահության տակից ոնց եմ դուրս գալու, չափազանց ծանր պատասխանատվություն է, հավատացնում եմ։ Բայց կրելու ենք։ Սրանց ջարդելու ենք իրենց հարթակում»,- հայտարարեց դաշինքի առաջնորդը։
Նա նաև նշեց,որ Հայաստանում միաժամանակ կա երեք ճգնաժամ ՝ անվտանգային, տնտեսական և ներքաղաքական։
«Այս ամենն արհեստածին ստեղծած այսօրվա վարչախմբի աշխատանքի արդյունքն է։ Յուրաքանչյուր այդ մեկ ճգնաժամը բավարար է այս իշխանությունը փոխելու համար։ Բայց Հայաստանում կա ամբողջ փաթեթը ,ինչով էլ տարբերվում է այս ընտրությունները՝ նախորդներից։ Այսպիսի վիճակ մենք երբեք չենք ունեցել։
Երբեք չենք ունեցել ընտրություններ,երբ անվտանգությունը լինի №1 հարց։ Ասում էինք՝ Արցախի հարցը №1 է, բայց անվտանգ չէինք զգում։ Երբեք չի եղել այսպիսի ատելության մթնոլորտ ներսում, տարանջատում, չենք ունեցել»,- ասաց Քոչարյանը։
Նա հայտարարեց, որ գալիս են ապահովելու երկրի անվտանգությունը, շտկել բանակն ու պաշտպանել սահմանները,ապահովել տնտեսական վերելք ու կանխել երկրից արտագաղթը։