Կորոնավիրուսի հնդկական տարբերակը 40 տոկոսով ավելի վարակիչ է, քան բրիտանականը. հետազոտություն
Կորոնավիրուսի դելտա տարբերակը, որը կոչվում է հնդկական շտամ, ավելի վտանգավոր է եւ ավելի վարակիչ, քան ալֆա տարբերակը, որը բրիտանական շտամ էր կոչվում:
Ինչպես հաղորդում է MedicalXpress-ը՝ վկայակոչելով Agence France-Presse-ը, Մեծ Բրիտանիայի առողջապահության նախարար Մեթ Հենքոքն ասել է, որ դելտա տարբերակը 40 տոկոսով ավելի հեշտ է փոխանցվում, քան SARS-CoV-2 ալֆա տարբերակը: Սակայն համարվում է, որ կորոնավիրուսի դեմ պատվաստանյութի երկու դեղաչափով պատվաստված մարդիկ պետք է հավասարապես պաշտպանված լինեն երկու տարբերակներից էլ:
«Այս պահին իմ ստացած ամենաճշգրիտ գիտական առաջարկությունը ցույց է տալիս, որ պատվաստանյութի մեկ դեղաչափ ստանալուց հետո պաշտպանությունը դելտա տարբերակից բավարար չէ, բայց երկու դեղաչափից հետո պաշտպանությունը նորմալ է»,- ասել է նախարարը:
Ներկայումս Մեծ Բրիտանիայում գերակշռում է կորոնավիրուսի դելտա տարբերակը, սակայն 2021 թվականի հունվարին ալֆա տարբերակը, որն առաջին անգամ հայտնաբերվել էր Քենթում, լոքդաունի պատճառ դարձավ Մեծ Բրիտանիայում: