Ֆրանսիան, Գերմանիան եւ Իսպանիան համաձայնության են եկել նոր կործանիչի զարգացման հաջորդ փուլերի շուրջ
Ֆրանսիան, Գերմանիան եւ Իսպանիան համաձայնության են եկել Եվրոպայում խոշորագույն պաշտպանական ծրագրի նոր կործանիչի մշակման հաջորդ փուլերի շուրջ, որի մոտավոր արժեքը գնահատվում է ավելի քան 100 միլիարդ եվրո, հայտնում է Reuters-ը:
Մասնավորապես, Ֆրանսիան մարտական ռեակտիվ ինքնաթիռի նախագիծը, որն իր մեջ ներառում է հաջորդ սերնդի օդաչուով եւ անօդաչու թռչող սարքեր, իր պաշտպանական ինքնավարության ամրապնդումը Եվրոպայի համար վճռական քայլ է անվանել:
Սպասվում է, որ Future Combat Air System (FCAS)-ի մշակման հաջորդ փուլը 3,5 միլիարդ եվրո կարժենա:
«Ֆրանսիան, Գերմանիան եւ Իսպանիան ստեղծում են 21-րդ դարում իրենց ինքնիշխանության եւ Եվրոպայի ինքնիշխանության ամենակարեւոր գործիքներից մեկը»,- Twitter-ում գրել է Ֆրանսիայի պաշտպանության նախարար Ֆլորենս Պարլին:
Ֆրանսիական Dassault Aviation ընկերությունը, գերմանական Airbus-ը եւ իսպանական Indra-ն 2040 թվականից մասնակցում են ֆրանսիական Rafale-ին, ինչպես նաեւ գերմանական եւ իսպանական Eurofighter կործանիչներին փոխարինելու նախագծին:
Ըստ Ֆրանսիայի պաշտպանության նախարարության աղբյուրի, այս գումարը կբավարարի մինչեւ 2024 թվականը մարտական ինքնաթիռի եւ անօդաչուների վերջնական ստեղծման եւ ցուցադրման հարթակների կառուցման համար:
Ըստ համաձայնագրի պայմանների՝ կործանիչը չի ունենա «սեւ արկղ», որը կօգնի պահպանել գաղտնի կոմերցիոն «նոու-հաուն», հայտնել է Ֆրանսիայի պաշտպանության նախարարության աղբյուրը: