Եթե նույնիսկ մարդը համագործակցել է, «Սորոս»-ի գրասենյակից փող է ստացել, այդ մարդկանց հրավիրում եմ նույն խրամատում կռվելու. Մալյանը՝ #Antinikol. շարժմանը միանալու մասին
#Antinikol. շարժման գլխավոր նպատակն է այլ կարծիք ունեցողներին, բոլոր «անտինիկոլներին» ասել՝ դուք կաք և շատ եք. այս մասին Armnews-ի եթերում՝ «Առավոտյան լուրեր Լիլիթ Թումանյանի հետ» հաղորդման ժամանակ ասաց հասարակական- քաղաքական գործիչ Նարեկ Մալյանը խոսելով #Antinikol. շարժման պատճառների և հետագա քայլերի մասին։
«Մթությունը լույսի բացակայությունն է, երբ լույս չկա՝ մութ է, եթե չկա «անտինիկոլ»-ը, բոլորը «նիկոլական» են, բայց արդյո՞ք բոլորը «նիկոլական» են, նույնիսկ 2018-ին դա այդպես չի եղել, շատ նորմալ ինտելիգենտ մարդիկ որոշել են հեռու մնալ փողոցային վիճակից և լռել են: #Antinikol շարժումը տալիս է երկու ամենակարևոր հարցերի պատասխանները՝ ով է մեղավոր և ինչ անել»,- նշեց նա:
Մալյանը նշեց, որ դիմում է բոլոր այն իրական ընդդիմադիր ուժերին, որոնք պայքարում են՝ կուսակցություններ, ընտրությանը մասնակցող դաշինքներ և այլն, նշելով, որ այս շարժումը ուժեղացնելու է այն մարդկանց, որոնք ցանկանում են պայքարել. «Այս շարժումից մտահոգվելու կարիք չունեն այն մարդիկ, որոնք իրական պայքարի մեջ են և կարող են մտահոգվել այն քաղաքական ուժերն, որոնք պայմանավորվածությունների մեջ մտնելով, «վիրուս»-ի քաղաքական առևտրի մեջ մտնելով, փորձում են իրենց տեղը փախցնել, բայց այդ երկրորդ կատեգորիային սպասվում է տառապալից օրեր: Բայց այն ուժերն, որոնք իրական պայքար են տանում, իրենք մտահոգվելու բան չունեն, մենք հակամարմիններն ենք»:
Հարցին՝ արդյոք մտավախություն չունե՞ք, որ շարժումը կարող է սահմանափակվել զուտ ֆեյսբուքյան գրառումներով և հեշթեգներով, չէ՞որ խնդիրը ֆեյսբուքից դուրս գալն է՝ դեպի իրական կյանք, Մալյանը նշեց, որ կողմնակից է եղել, որ գործեն ֆեյսբուքից դուրս, նա նշեց, որ այս գործունեությունը կազմակերպվելու Ֆեյսբուքից դուրս, բայց լուսաբանվելու է Ֆեյսբուքում:
«Առաջին փուլում պետք է հրապարակայնացնենք մեր տեսակետը, ցույց տալ, որ մենք «անտինիկոլ» ենք: Շատերը ժամանակին մոլորության մեջ են եղել և հիմա կանգնել են աղետի առջև, բոլորն՝ ովքեր ուզում են հանցակից չդառնալ, չշարունակեն խաբված մնալ, պետք է այս հեշթեգի շուրջ հավաքվեն: Սա խարդախների ձեռագիրն է, երբ խարդախը խոստանում է մի բան և սուտ խոստման դիմաց վերցնում է և երբ մարդը գալիս և հարցնում է՝ ի՞նչ եղավ, նա ավելի մեծ խոստում է տալիս և նա ստիպված հավատում է: Սա ստանդարտ քրեական, խարդախի պահվածք է, որը տարածվում է ժողովրդի վրա: Դուք որոշեք ժողովուրդ ջան՝ շարունակո՞ւմ եք խաբվել ու նստել ստի ասեղի վրա, թե՞ դիմում ենք իրավապահ մարմիններ, և շպրտում բանտ»:
Մալյանն ընդգծեց, որ Հայաստանում շարժումը արդեն երեք տարի է գործում է, սակայն այժմ նոր փուլի արձանագրումն է. «2018-ի իշխանազավթումից շարժումը կա, և սա հերթական փուլի արձանագրումն է: Մենք մտանք հրապարակային փուլ, գտանք մեր հիմնական համախոհներին և «բոյ» ենք տալու»:
Հարցին, թե նա՝ ով միանգամից միացավ շարժմանը դադարո՞ւմ է մնալ դավաճան, Մaլյանը պատասխանեց՝ այո, քանի որ «պատվաստման» և «բուժման» գլխավոր նախապայմանն այս ամեն ինչին հրապարակային անհամաձայնությունը արտահայտելն է. ««Սորոսականներն» իմ պատմական թշնամիները չեն, նրանց մեջ կան մարդիկ, որոնք բարեխիղճ մոլորության մեջ են եղել և չեն պատկերացրել այս աղետի չափը: Ես շատ սենսացիոն հայտարարություն եմ ուզում անել՝ ես այս երկրի գլխավոր «հակասոռոսականը», ասում եմ, եթե նույնիսկ մարդը համագործակցել է, «Սորոսի» գրասենյակից փող է ստացել, հրավիրում եմ այդ մարդկանց նույն խրամատում կռվելու: Այն անձանց հետ, որոնց հետ 2018-ից առաջ ունեցել եմ անձնական հարցեր, ես մոռանում եմ այդ ամեն ինչը, այդ մարդկանց հետ պատրաստ եմ մեկ խրամատում կռվել և իրար փամփուշտ հասցնել»,- ընդգծեց նա:
Մալյանը նշեց, որ շարժումը ինքնաբուխ է, շարժման մասնակիցները կարող են հեշթեգը տեղադրել այնտեղ, որտեղ կցանկանան՝ գրիչի, ավտոյի, կամ հագուստի վրա, այս կերպ ցույց տալով իրենց մասնակցությունը շարժմանը: