Ո՞ւմ համար են վարձել հյուրանոցային համարները, եթե մեկուսացված է եղել ընդամենը 9132 մարդ. Փաստահավաք խումբ (Տեսանյութ)

ՀՀ կառավարությունը կենտրոնացած է եղել ոչ թե կորոնավիրուսի դեմ պայքարի վրա, տուժած մարդկանց՝ խոցելի խմբեր, կազմակերպություններ և այլն, օգնություն ցույց տալու վրա, այլ մեկուսացրած անձանց սնունդ գնելու և հյուրանոցում համարներ պատվիրելու վրա։ Այս մասին ասվում է «COVID-19 Հայաստան» Փաստահավաք խմբի կողմից նկարահանված Իշխանության ձախողված «պայքարը» ֆիլմում:

ՀՀ Էկոնոմիկայի նախարարությունը փաստացի չի կատարել իր գործառույթը՝ տնտեսական ակտիվության հնարավորինս պահպանում, այլ զբաղված է եղել կորոնավիրուսով հիվանդների սննդի և կեցության այլ պայմանների ապահովմամբ։ Այս մասին «COVID-19 Հայաստան» Փաստահավաք խմբի կողմից նկարահանված Իշխանության ձախողված «պայքարը» ֆիլմում ասաց Անի Հովհաննիսյանը՝ նշելով, որ կորոնավիրուսի շրջանակներում միայն սննդի և կեցության ապահովման համար 2020 թվականին ՀՀ պետական բյուջեից ընդհանուր առմամբ ծախսվել է 5 259 271 000 ՀՀ դրամ, որից մոտ 3,5 միլիարդ ՀՀ դրամ տրամադրվել է հյուրանոցներին՝ մեկուսացումների իրականացնելու ժամանակահատվածում:

Ֆիլմում նշվում է, որ ըստ հաշվարկների ստացվում է, որ մեկ օրվա համար ֆիքսված 10500 ՀՀ դրամ հյուրանոցային սենկային տրամադրելու և մեկ անձին 14 օր մեկուսացված պահելու դեպքում պետք է մեկուսացրած լինեին մոտավորապես 23 800 մարդու, սակայն ըստ Առողջապահության նախարարության կողմից տրամադրված տեղեկատվության մեկուսացվել է ընդամենը 9225 քաղաքացի, որից 9132-ը հյուրանոցներում:

Ստացվում է, մոտ 14 700 անձ էլ, բացի մեկուսացվածներից պետք է ապրեր հյուրանոցներում յուրաքանչյուրը 14 օր:

ՀՀ իրավապահ մարմինները պետք է համապատասխան միջոցներ ձեռնարկեն պարզելու համար՝ արդյոք Covid-19-ի շրջանակներում ձեռք բերված հոյւրանոցային ծառայություններն իրացվել են ամբողջ ծավալով, ինչպես նաև բացահայտեն հնարավոր չարաշահումները:

Նշվում է նաև, որ 2020 թվականի դեկտեմբերի 31-ին և 2021-ի հունվարի 14-ին Covid-19-ի շրջանակներում 24 791 500 ՀՀ դրամի հյուրանոցային ծառայություն է գնվել Էկոնոմիկայի նախարարության կողմից «Ռեժինե» ՍՊԸ-ից այն դեպքում, երբ 2020 թվականի մայիսի 19-ից հյուրանոցներում այլևս մեկուսացում չի կատարվել:

Մանրամասն՝ տեսանյութում:

Կառավարության ապաշնորհ քաղաքականությունը հանգեցրել է մոտ 7 տոկոս տնտեսական անկման․ Փաստահավաք խումբ

ՀՀ ԱՆ-ը կորոնավիրուսի դեմ պայքարում չի օգտագործել դեղամիջոց, որը նվազեցնում է մահացությունը․ Փաստահավաք խումբ