Ազգային անվտանգության մարմինների պատմության մեջ ամենավարկաբեկված և ամենաչընդունված անձը իրավունք չունի նման գնահատականներ տալու․ Արթուր Վանեցյանը՝ Կառլոս Պետրոսյանի մասին (տեսանյութ)
Ազգային անվտանգության մարմինների պատմության մեջ ամենավարկաբեկված և ամենաչընդունված անձը իրավունք չունի նման գնահատականներ տալու և հարցազրույցից պարզ երևում է, որ այդ հարցազրույցը տրվել է ոչ թե իր կողմից, այլ իրեն ոչ բնորոշ բառապաշարով կազմված տեքստ էր:
Այս մասին այսօր մամուլի ասուլիսին ասաց «Հայրենիք» կուսակցության նախագահ, ԱԱԾ նախկին պետ Արթուր Վանեցյանը՝ անդրադառնալով ԱԱԾ նախիին տնօրեն Կառլոս Պետրոսյանի հարցազրույցին:
«Կառլոս Պետրոսյանը ԱԱԾ աշխատակիցների հիշողություններում մնացել է որպես մի մարդ, ով շատ վատ բարքեր է բերել համակարգ, ով վաճառել է ԱԱԾ աշխատակիցների համար նախատեսված Սևանում հանգստյան գոտին, հյուրանոցը, սեփականացրել է և չէի ուզի նման մարդու տված պատվերով հարցազրույցը սարքեինք օրակարգային հարց»,-ասաց նա:
ԱԱԾ նախկին տնօրեն Միքայել Համբարձումյանը նշեց, որ խորհրդային ժամանակաշրջանում ՀՀ ԱԱԾ-ն համարվել է լավագույններից մեկը: «Տրադիցիաներ են եղել, որոնք մենք գնալով, ցավոք, կորցնում ենք»,-ասաց նա: