«Նման փորձերը գլխիվայր շուռ են տալիս գործընթացը». Լավրովը ՀՀ ԱԳՆ-ի հետ հանդիպման ժամանակ կոչ է արել զերծ մնալ ԼՂ հարցի կարգավորման գործընթացի քաղաքականացումից
Ռուսաստանի Դաշնության արտաքին գործերի նախարար Սերգեյ Լավրովն այսօր Երևանում անցկացված մամուլի ասուլիսի ժամանակ կոչ է արել զերծ մնալ Լեռնային Ղարաբաղի հարցի կարգավորման գործընթացը քաղաքականացնելուց, գրում է «ՌԻԱ Նովոստի»-ն:
«ՌԴ-ն կոչ է անում զերծ մնալ Ղարաբաղյան խնդրի խաղաղ կարգավորման գործընթացը քաղաքականացնելուց: Նման փորձերը գլխիվայր շուռ են տալիս գործընթացը»,- հայտարարել է Լավրովը:
Հիշեցնենք, որ Ռուսաստանի Դաշնության արտաքին գործերի նախարար Սերգեյ Լավրովն երեկ աշխատանքային այցով ժամանել է Երևան: «Զվարթնոց» օդանավակայանում նրան դիմավորել է ՀՀ արտաքին գործերի նախարարի պաշտոնակատար Արա Այվազյանը:
Լավրովը Հայաստան է ժամանել երկօրյա այցով:
Ռուսաստանի ԱԳՆ խոսնակ Մարիա Զախարովան հայտնել է, որ հանդիպումների ընթացքում նախատեսվում է հանգամանորեն քննարկել երկկողմ և տարածաշրջանային համագործակցությանն առնչվող հարցերի լայն շրջանակ, ինչպես նաև փոխգործակցությունը միջազգային հարթակներում: Զարախովան տեղեկացրել է, որ բանակցություններում քննարկման առաջնային թեման լինելու է Լեռնային Ղարաբաղի հարցով Հայաստանի, Ռուսաստանի և Ադրբեջանի ղեկավարների միջև 2020 թվականի նոյեմբերի 9-ին և 2021 թվականի հունվարի 11-ին ձեռք բերված պայմանավորվածությունների կյանքի կոչումը:
Նշենք, որ ՌԴ ԱԳ նախարար Սերգեյ Լավրովը մայիսի 9-10-ն աշխատանքային այցով կլինի Բաքվում: