Վեճերը պետք է լուծել ոչ թե պատժամիջոցների, այլ երկխոսության միջոցով․ Ինֆանտինոն՝ Սուպերլիգայի մասին

ՖԻՖԱ-ի նախագահ Ջանի Ինֆանտինոն, Սուպերլիգայի ստեղծման ֆոնին, ասել է, որ ինքը փորձում է վեճերը լուծել ոչ թե պատժամիջոցների, այլ երկխոսության միջոցով:

«Երբ խոսքը ֆուտբոլի մասին է, մենք պետք է խուսափենք վեճերից: Հատկապես այն ժամանակ, երբ ամբողջ աշխարհը բախվել է աննախադեպ համաճարակի հետ: Ճիշտ որոշումներ կայացնելը ազգային հաստատությունների, ՈւԵՖԱ-ի և ՖԻՖԱ-ի պարտավորությունն է: Նույնիսկ առավել նուրբ իրավիճակներում ես պաշտպանում եմ երկխոսությունը, ոչ թե վեճերը:

Լիդերը պետք է իրեն հարց տա, թե ինչու դա տեղի ունեցավ և, ելնելով այս հարցից, սկսի կառուցել այլ ապագա՝ խոսելով և լսելով բոլորին, հատկապես երկրպագուներին, ովքեր ֆուտբոլի սիրտն են:

Որոշակի պատժամիջոցներ կարող են լուրջ հետևանքներ ունենալ, և այդ ժամանակ մենք պատասխանատու կլինենք դրանց համար: Դուք պետք է հասկանաք, թե ինչ միջոցառումներ են քննարկվում: Նրանք ասում են, որ ակումբները պետք է պատժվեն, բայց դա կարող է նշանակել նաև պատժել ներգրավված ակումբների խաղացողներին, մարզիչներին և երկրպագուներին, ովքեր ոչ մի կապ չունեն Սուպերլիգայի նախագծի հետ», – մեջբերում է Ինֆանտինոյին L’Equipe-ին:

Հիշեցնենք, որ Սուպերլիգայի հիմնադիրները պետք է լինեին «Մանչեսթեր Յունայթեդը», «Մանչեսթեր Սիթին», «Տոտենհեմը», «Լիվերպուլը», «Չելսին», «Արսենալը», «Բարսելոնան», «Ռեալը», «Ատլետիկոն», «Յուվենտուսը», «Միլանը» և «Ինտերը»:

Սուպերլիգայից առաջինը հրաժարվեցին անգլիական թիմերը: Նրանց հետևեցին Ատլետիկոն և Ինտերը: