Ավստրալիայում 5-մետրանոց կոկորդիլոսը հարձակվել է 32-ամյա տղամարդու վրա
Ավստրալիայում 5-մետրանոց կոկորդիլոսը հարձակվել է տղամարդու վրա, գրում է Daily Telegraph-ը, նշելով՝ դեպքը տեղի է ունեցել մայրցամաքի հյուսիսում գտնվող Կակադու ազգային պարկում:
Նշվում է՝ 32-ամյա ավստրալացին իր երեք ընկերների հետ ձկնորսությամբ է զբաղվել պարկի գետում: Երեկոյան տղամարդիկ որոշել են իրենց նավակը կանգնեցնել գետի մոտ և սկսել են ընթրիք պատրաստել:
Հենց այդ պահին գետից հսկայական կոկորդիլոս է դուրս եկել և ցատկել տարածքում գտնվող տղամարդկանցից մեկի վրա: Ականատեսների խոսքով՝ սողունի երկարությունը առնվազն հինգ մետր է եղել: Բարեբախտաբար, 32-ամյա տղամարդուն հաջողվել է փախչել: Նա թեթև վնասվածքներ է ստացել:
Նշենք՝ Կակադուի ազգային պարկում ավստրալական նեղ պարանոց ունեցող կոկորդիլոսները շատ են: Կոկորդիլոսների այս տեսակը համարվում է մոլորակի ամենամեծ գիշատիչներից մեկը: Կենդանատեսակին պատկանող արուները կարող են ունենալ մինչև յոթ մետր երկարության և կշռել շուրջ երկու տոննա: